ٹیسلا، اسپیس ایکس اور ایکس (ٹوئٹر) کے مالک ایلون مسک نے اشارہ دیا ہے کہ لنکڈ ان اور یوٹیوب مستقبل میں ایکس کے حریف ہوں گے۔

ایکس کے ایلون مسک کی ملکیت میں جانے کے ایک سال مکمل ہونے پر اہم اجلاس ہوا جس میں ایلون مسک نے اشارہ دیا کہ لنکڈ ان اور یوٹیوب مستقبل میں ایکس کے حریف ہوں گے۔

اکتوبر 2022 میں ایکس کو خریدنے کے بعد سے ایلون مسک کی جانب سے اسے سپر ایپ میں تبدیل کرنے کی بات کی جا رہی ہے۔

وہ ایکس کو ایسے پلیٹ فارم میں تبدیل کرنا چاہتے ہیں، جہاں صارفین صرف پوسٹس یا فالو کرنے کے ساتھ ساتھ پیمنٹس کرنے، ملازمتوں کے حصول، ویڈیوز دیکھنے اور ایسے ہی متعدد کام کر سکیں۔

ایکس میں ویڈیوز اور ملازمتوں کے فیچرز پر کافی توجہ مرکوز کی جا رہی ہے اور ایلون مسک اسی لیے لنکڈ ان اور یوٹیوب کو مستقبل میں اپنے سوشل میڈیا پلیٹ فارم کے حریف تصور کرتے ہیں۔

یوٹیوب کے مقابلے میں ایکس کے صارفین کی تعداد بہت کم ہے مگر ایلون مسک کی جانب سے مختصر اور طویل ویڈیوز کے فیچرز بہتر بنانے پر کام کیا جا رہا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں