مریم اورنگزیب کا کہنا ہے کہ لیول پلیئنگ فیلڈ کا رونا مخالفین کی ناکامی کی طرف نشاندہی ہے، تمام سیاسی جماعتوں کو مشورہ ہے 8 فروری کوالیکشن کی تیاری کریں۔

ترجمان مسلم لیگ ن مریم اورنگزیب نے لاہورمیں میڈیا سے گفتگو کرتے ہوئے کہا کہ 21اکتوبرسےہماری انتخابی مہم کا آغاز ہو گیا،  11 نومبرکوہمارا جنرل کونسل اجلاس ہے، تمام صوبوں کے پارلیمان بورڈزترتیب دے دیے۔

مریم اورنگزیب نے کہا کہ  ہم نے ہمیشہ عوام کو ریلیف دیا، اس بار بھی دیں گے، عدم برداشت ختم اورملک میں امن لانےکےلیے تیارہیں، لیول پلیئنگ فیلڈ کا رونا مخالفین کی ناکامی کی طرف نشاندہی ہے، 16 ماہ میں یہ جرات ن لیگ نےکی پاکستان کو ڈیفالٹ سےبچایا.

ترجمان مسلم لیگ ن نے کہا کہ تمام سیاسی جماعتوں کو مشورہ ہے8 فروری کوالیکشن کی تیاری کریں، عوام کو یقین ہے موجودہ حالات سے نوازشریف ہی نکال سکتےہیں، ن لیگ پھرسے ملک کی ترقی کا سفر شروع کرےگی، ہم نےپنجاب میں مفت علاج کی سہولت دی، ہم نے سیاست نہیں ملک کو ڈیفالٹ ہونےسے بچایا۔

مریم اورنگزیب نے کہا کہ نوازشریف کی قیادت میں ہم الیکشن کےلیے تیار ہیں، نوجوانوں کو روزگار دینے کےلیے تیار ہیں، کسان کو کھاد اور سستی بجلی دینےکےلیےن لیگ تیار ہے، ہمارے مخالفین دوربین لگاکر بیٹھے ہوئےتھے، ملک کےچاروں صوبے سے لوگ جلسے میں آئے تھے۔

اگرآپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پرہمیں فالوکریں https://twitter.com/bolnewsurdu01 اورحالات سے باخبررہیں۔