بابر اعظم کوچز کے ہمراہ گالف کھیلنے پہنچ گئے

ویب ڈیسک

07th Nov, 2023. 05:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بابر اعظم کوچز کے ہمراہ گالف کھیلنے پہنچ گئے

پاکستان کرکٹ ٹیم کے کپتان بابر اعظم کولکتا میں کوچز کے ہمراہ گالف کھیلنے پہنچ گئے۔

بھارت میں جاری آئی سی سی کرکٹ ورلڈکپ کے پہلے مرحلے کے مقابلے جاری ہیں جہاں آج افغانستان اور آسٹریلیا مدمقابل ہیں، وہیں گروپ مرحلے میں اپنے 8 میچز کھیلنے کے بعد قومی ٹیم نے آج مکمل آرام کیا۔

پاکستانی کپتان بابر اعظم اور ٹیم کے کچھ کوچز کولکتا میں آؤٹنگ کرتے ہوئے گالف کھیلنے پہنچ گئے۔ کپتان بابر اعظم ، کوچ بریڈ برن ، بیٹنگ کوچ اینڈریو پٹک اور بولنگ کوچ مورنی مورکل نے رائل گالف کلب کولکتا میں گالف کھیلا۔

قومی ٹیم کے کھلاڑیوں نے ہوٹل ہی میں جم اور پول سیشنز میں حصہ لیا ، دیگر کھلاڑی مکمل آرام کرتے رہے جب کہ پاکستان کرکٹ ٹیم کل سے ٹریننگ کا آغاز کرے گی، ٹریننگ سیشن مقامی وقت کے مطابق دو پہر دو بجے شروع ہوگا۔

واضح رہے کہ پاکستان نے ورلڈکپ میں اپنے آخری گروپ میچ میں ہفتے کو اہم مقابلے میں انگلینڈ کے خلاف مدمقابل ہونا ہے جب کہ پاکستان کو سیمی فائنل میں رسائی حاصل کرنے کے لیے نیوزی لینڈ کو اچھے مارجن سے شکست دینا ہوگی۔

اور آگر آج آسٹریلیا افغانستان کو شکست دے دیتا ہے اور نیوزی لینڈ اپنا میچ سری لنکا سے بھی ہارجاتی ہے تو پھر پاکستان کو انگلش ٹیم کو صرف شکست دینا ہی کافی ہوگی۔