بلوچستان میں کانگو وائرس بے قابو، صوبے میں ہیلتھ ایمرجنسی نافذ

ویب ڈیسک

08th Nov, 2023. 11:02 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بلوچستان میں کانگو وائرس بے قابو، صوبے میں ہیلتھ ایمرجنسی نافذ

صوبہ بلوچستان میں کانگو وائرس کو قابو کرنے کیلئے حکومت نے ہیلتھ ایمرجنسی نافذ کر دی ہے۔

تفصیلات کے مطابق حکومت بلوچستان نے صوبے میں ہیلتھ ایمرجنسی نافذ کر دی ہے۔

صوبہ بلوچستان میں کانگو وائرس سے 18 افراد جاں بحق ہو چکے ہیں جبکہ 58 افراد وائرس سے متاثر ہوئے ہیں۔

کوئٹہ میں کانگو وائرس سے 16 محکمہ صحت سے تعلق رکھنے والے افراد متاثر ہوئے جن میں سے ایک ڈاکٹر جاں بحق بھی ہوا۔

کانگو سے متاثرہ 12 افراد کراچی میں زیر علاج ہیں۔

کانگو وائرس کیا ہے؟

یہ وائرس مویشی گائے، بیل، بکری، بکرا، بھینس اور اونٹ، دنبوں اور بھیڑ کی کھال سے چپکی چیچڑوں میں پایا جاتا ہے، چیچڑی کے کاٹنے سے وائرس انسان میں منتقل ہو جاتا ہے۔

قومی ادارۂ صحت کے مطابق نیرو نامی وائرس انسانی خون اور تھوک میں پایا جاتا ہے جو انسانوں میں گانگو بخار پھیلاتا ہے، متاثرہ شخص ایک ہفتے کے اندر زندگی کی بازی ہار سکتا ہے۔

کانگو کی علامات

متاثرہ شخص کو تیز بخار، کمر، پٹھوں، گردن میں درد، قے، متلی، گلے کی سوزش اور جسم پر سرخ دھبے کانگو کی علامات ہیں۔

واضح رہے کہ کانگو وائرس گزشتہ بیس سالوں سے پاکستان میں موجود ہے، یہ جانوروں سے انسانوں میں منتقل ہوتا ہے۔ کانگو وائرس کے خاتمے کے لیے تا حال کوئی ویکسین ایجاد نہیں ہوئی ہے لہٰذا قبل از وقت احتیاط اور مرض ظاہر ہو جانے کی صورت میں فوری اور بر وقت علاج ضروری ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں