سابق وزیراعظم نوازشریف نے گورنرپنجاب انجینئربلیغ الرحمان سے ان کی اہلیہ کی وفات پرتعزیت اور فاتحہ خوانی کی۔

تفصیلات کے مطابق پاکستان مسلم لیگ (ن) کے قائد محمد نواز شریف نے پارٹی صدرشہباز شریف کے ہمراہ گورنرہاؤس گورنرپنجاب انجینیئربلیغ الرحمن سے ملاقات کی۔

پارٹی قائد نواز شریف نے گورنر پنجاب انجینئربلیغ الرحمن سے ان کی اہلیہ کی وفات پر تعزیت اور فاتحہ خوانی کی، سابق وزیراعظم نے مرحومہ کی وفات پر گورنر پنجاب اور ان کے اہل خانہ سے ہمدردی اور افسوس کا اظہاربھی کیا۔

پاکستان مسلم لیگ (ن) کے قائد محمد نواز شریف کی پارٹی صدر شہباز شریف کے ہمراہ گورنر ہاؤس آمد

Advertisement

قائد مسلم لیگ (ن) محمد نواز شریف کی گورنر پنجاب انجینیئر بلیغ الرحمن سے ملاقات

قائد محمد نواز شریف نے گورنر پنجاب انجینئر بلیغ الرحمن سے ان کی اہلیہ کی وفات پر تعزیت اور فاتحہ خوانی کی… pic.twitter.com/CP39AfDFX4

— PMLN (@pmln_org) November 8, 2023

تعزیت کے موقع پر ن لیگ کے قائد نوازشریف نے گورنرپنجاب بلیغ الرحمن سے گفتگوکرتے ہوئے کہا کہ یہ زندگی کا بہت بڑا صدمہ ہے، اہلیہ کی وفات ذاتی زندگی اور بچوں کے حوالے سے بہت بڑا امتحان ہوتا ہے۔

سابق وزیراعظم نوازشریف نے بلیغ الرحمن اور ان کے بچوں سے اظہار ہمدردی کرتے ہوئے کہا کہ اللہ تعالیٰ آپ اور آپ کے بچوں کو یہ صدمہ برداشت کرنے کی ہمت عطا فرمائے۔

اس موقع پر مسلم لیگ ن کی نائب صدرمریم نواز، پارٹی ترجمان مریم اورنگزیب، سابق وزیرداخلہ رانا ثنا اللہ اور دیگر بھی موجود تھے۔

اگرآپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پرہمیں فالوکریں https://twitter.com/bolnewsurdu01 اورحالات سے باخبررہیں۔