رمیز راجہ کا بابر اعظم سے متعلق تہلکہ خیز انکشاف

ویب ڈیسک

11th Nov, 2023. 02:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

رمیز راجہ کا بابر اعظم سے متعلق تہلکہ خیز انکشاف

کمنٹیٹر رمیز راجہ نے کپتان بابر اعظم سے متعلق چونکا دینے والا انکشاف کردیا ہے۔

کمنٹیٹر اور سابق چیئرمین پی سی بی رمیز راجہ نے گزشتہ روز کپتان بابر اعظم سے ملاقات کی جس کے بعد ان کا کہنا تھا کہ بابر اعظم پاکستان کے سیمی فائنل میں کوالیفائی نہ کرنے کی وجہ سے افسردہ اور مایوس ہیں۔

رمیز راجہ نے کہا ’’بابر اپنے غصے کو بہت اچھی طرح سے سنبھالتا ہے جوکہ ایک اچھے مزاج کا انسان اور سمجھدار کپتان ہے جب کہ پاکستان ٹیم ورلڈکپ میں شکست سے دوچار ہے جس پر تبصرہ کرنا ناقابل برداشت ہے‘‘۔

انہوں نے کہا ’’میں اگر بابر کی جگہ ہوتا تو سخت لہجے میں لوگوں کو جواب دیتا، پاکستان کے پاس بھارت یا آسٹریلیا جیسا کوئی نظام موجود نہیں ہے جس میں بیک اپ ٹیلنٹ موجود ہو‘‘۔

یہ بھی پڑھیں: کرکٹ میں کچھ بھی ہوسکتا ہے، انگلینڈ کیخلاف رن ریٹ کا پلان بنالیا ہے، بابراعظم

سابق چیئرمین نے بتایا ’’ہم موجودہ کھلاڑیوں کو ہی احتیاط سے استعمال کرنے کے پابند ہیں تاہم بڑے پیمانے پر تبدیلیاں کرنے کی ضرورت نہیں‘‘۔

ان کا کہنا تھا کہ پاکستان کی کرکٹ کو آگے بڑھانے کے لیے ابھی وقت لگے گا جب کہ بابر نے کپتانی کے حوالے مجھ سے باتیں شیئر کی ہیں لیکن وہ ہمارے درمیان نجی گفتگو ہے۔

واضح رہے کہ پاکستان کرکٹ ٹیم اس وقت ورلڈکپ سے باہر ہونے کے دہانے پر کھڑی ہے جب کہ پاکستان اپنا آج آخری لیگ میچ انگلینڈ کے خلاف کھیل رہا ہے۔