نگراں وزیر اعلیٰ بلوچستان میر علی مردان خان ڈومکی نے کہا ہے کہ حکومت عالمی ادارہ صحت کو ہر قسم کی مدد فراہم کرنے کیلئے پرعزم ہے۔

تفصیلات کے مطابق نگراں وزیر اعلیٰ بلوچستان سے عالمی ادارہ صحت کے نمائندہ وفد کی ملاقات ہوئی جس میں عالمی ادارہ صحت نے محکمہ صحت بلوچستان کے لئے ایمبولینس حوالے کیں۔

نگراں وزیر اعلیٰ بلوچستان میر علی مردان خان ڈومکی نے کہا کہ عالمی ادارہ صحت کی جانب سے بھرپور تعاون کو سراہتے ہیں، موبائل ہیلتھ کلینک، ویکسین وین ایمبولینس ادویات، طبی آلات اور لاجسٹکس سپورٹ کے لیے ڈبلیو ایچ او کا شکریہ ادا کرتے ہیں۔

انہوں نے کہا کہ عالمی ادارہ صحت کے اقدامات عام آدمی کے لیے طبی خدمات کی فراہمی اور صحت کے نظام کو مضبوط بنانے میں معاون ثابت ہوں گے، کرونا کے وبائی مرض سے لے کر سیلاب کی تباوکاریوں تک ڈبلیو ایچ او کا کردار انتہائی اہمیت کا حامل رہا ہے۔

نگراں وزیر اعلیٰ بلوچستان میر علی مردان خان ڈومکی نے مزید کہا کہ حکومت صحت کے شعبے میں معاونت کار عالمی ادارہ صحت کو درکار ہر قسم کی مدد فراہم کرنے کے لیے پرعزم ہے، صوبے میں سیلاب,ماں اور بچوں میں بیماریاں کی روک تھام کے لیے عالمی ادارہ صحت کی خدمات قابل ذکر ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں