بھارت فضائی آلودگی میں دنیا بھر میں سر فہرست آگیا۔

تفصیلات کے مطابق   بھارت میں دیوالی کے موقع پر عدالتی احکامات کی دھجیاں اڑا دی گئیں۔

12 نومبر کو دیوالی کے موقع پر  بھارت میں پٹاخوں سے فضاء شدید آلودہ ہوگئی۔ بھارت کے رہائشیوں کی جان  کو شدید خطرات  لاحق ہیں ۔

بلومبرگ کی رپورٹ کے مطابق    بھارت پوری دنیا میں فضائی  آلودگی میں سرفہرست  ہے جبکہ دہلی فضائی آلودگی میں دنیا کا سب سے آلودہ اور گندا ترین شہر  ہے۔

بین الاقوامی خبررساں ادارے نے اپنی رپورٹ میں کہا کہ  فضائی آلودگی کے باعث دہلی میں تعلیمی اداروں کو بند کیے ایک ماہ سے زائد عرصہ گزر گیا ہے۔ دہلی میں پچھلے 40 روز سے فضائی آلودگی مزید تیزی سے بڑھ رہی ہے۔

 بھارت میں سپریم کورٹ نے پٹاخوں کے استعمال پر پابندی عائد کی تھی لیکن پورے ملک میں قانون کی پاسداری نہ کی گئی۔

بھارتی عوام نے سپریم کورٹ کے فیصلے کو مکمل طور پر نظر انداز کرتے ہوئے ممنوعہ کیمیکل والے پٹاخوں کا استعمال کیا۔ فیصلے کی خلاف ورزی میں حکمراں جماعت بی جے پی  کے ارکان سرفہرست ہیں۔

 بھارتی پولیس بھی سپریم کورٹ کے فیصلے  پر عمل درآمد کروانے میں ناکام رہی۔

بھارت کی فضائی آلودگی نے ہمسائے ممالک کو بھی اپنی لپیٹ میں لے لیا جس میں پاکستان سر فہرست ہے۔

بھارت کی شدید آلودہ فضاء کا اثر لاہور پر بھی ہے۔ فضائی آلودگی کے باعث لوگوں کو سانس لینے میں دشواری کا سامنا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں