سندھ اور پنجاب وزرائے اعلیٰ نے کچے کے ڈاکوؤں کیخلاف مشترکہ آپریشن پر اتفاق کر لیا۔

تفصیلات کے مطابق نگراں وزیراعلیٰ سندھ جسٹس (ر) مقبول باقر سے نگران وزیراعلیٰ پنجاب محسن نقوی کی ملاقات ہوئی جس میں گنے کی قیمت پر تبادلہ خیال کیا گیا۔

وزیراعلیٰ پنجاب نے اس موقع پر کہا کہ ہم نے گنے کی قیمت 400 روپے فی من مقرر کی ہے۔

وزیر اعلیٰ سندھ نے جواب دیتے ہوئے کہا کہ ہم نے غور و فکر کے بعد گنے کی قیمت 425 روپے فی من کی ہے، سندھ میں گنے کی کاشت پر پنجاب کے بنسبت زیادہ خرچہ ہو رہا ہے، گندم کی بمپر کراپ کیلئے بھی آبادگاروں کو 4000 روپے فی من قیمت کو برقرار رکھا ہے۔

دونوں وزراء اعلیٰ نے شہر کراچی کے مختلف منصوبوں سے متعلق بات چیت کی۔

وزیراعلیٰ پنجاب کا کہنا تھا کہ لاہور ڈولپمنٹ اتھارٹی کی ٹیم جلد شہر کراچی کا دورہ کرے گی، ایل ڈی اے ٹیم کراچی ڈولپمنٹ اتھارٹی اور کے ایم سے کے متعلقہ افسران سے ملاقات کرے گی۔

ملاقات کے دوران کچے میں آپریشن کے حوالے سے بھی تفصیلی بات چیت ہوئی، دونوں وزراء نے اتفاق کیا کہ سردیوں کے آنے سے دریا میں پانی کی مقدار کم ہو رہی ہے، جلد ڈاکؤں کے خلاف مشترکہ آپریشن کیا جائے۔

نگران وزیراعلیٰ سندھ نے کہا کہ کچے میں مشترکہ آپریشن کیلئے ضروری اسلحہ کے بندوبست کیا گیا ہے، پنجاب سندھ اور بلوچستان کے آئی جیز جیسے ہی تیاریوں کو مکمل قرار دیں گے تو آپریش شروع کرینگے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں