ہائی کورٹ نے پرویزالٰہی کوڈسچارج کرنےکےمعاملے پر ایڈووکیٹ جنرل پنجاب کو تیاری کی مہلت دے دی۔

لاہورہاٸیکورٹ میں چوہدری پرویزالٰہی کو ڈسچارج کرنے کے فیصلے کو کالعدم قراردینے کے سنگل بنچ کے فیصلے کے خلاف اپیل کی سماعت ہوئی۔ عدالت نے ایڈووکیٹ جنرل پنجاب کو تیاری کے لئے مہلت دے دی، عدالتی حکم پر ایڈووکیٹ جنرل پنجاب خالد اسحاق عدالتی معاونت کےلئے عدالت میں پیش ہوئے۔

عدالت نے کہا کہ حکومت نے بھی طریقہ کار کو بائی پاس کرکےنظر ثانی کی بجائے پٹیشن دائر کردی۔ پہلے نظرثانی دائرہوناچاہئیے تھی۔

ایڈووکیٹ جنرل نے دلائل دیے کہ سنگل بنچ نےیہ دیکھناتھاکہ انٹراکورٹ اپیل دائر کرنی ہے یاسپریم کورٹ سے رجوع کرناہے جس پرڈویژن بنچ نے کہا کہ کیا آپ صرف یہ چاہتے ہیں کہ یہ معاملہ اس عدالت سے نکلے اور کہہں اور چلاجائے۔ آپ غلط جگہ کھڑے ہیں اپنی پوزیشن واضح کریں۔ آپ چھوٹی بات نہ کریں صوبے کےسب سے بڑے پرنسپل لاء افسر کو ایسا کہنامناسب نہیں لگتا۔

لاہورہائیکورٹ کےجسٹس شہرام سرور چویدری کی سربراہی میں ڈویژن بنچ نے سماعت کی، پرویزالہی کےوکیل آفتاب باجوہ نے دلائل دیے۔

درخواست میں مؤقف اپنایا گیا کہ سنگل بنچ کا فیصلہ قانون کے برعکس ہے۔ جوڈیشل مجسٹریٹ کو اختیارہے کہ وہ شواہد نہ ہونے پر کسی ملزم کو مقدمہ سے ڈسچارج کرسکے۔ سنگل بنچ نے جوڈیشل مجسٹریٹ کا فیصلہ بے بنیاد کالعدم قرار دیا۔ سنگل بنچ کادوبارہ جسمانی ریمانڈ کے لیے پیش کرنے کافیصلہ کالعدم قراردیاجائے۔

گوجرانوالہ اینٹی کرپشن کے مقدمہ میں جوڈیشل مجسٹریٹ نے پرویزالہی کو مقدمہ سے ڈسچارج کر دیا تھا۔ عدالت نے کیس کی مزید سماعت 23 نومبر تک ملتوی کردی۔

اگرآپ حالاتِ حاضرہ سے باخبر رہنا چاہتے ہیں تو ہمارےفیس بک پیج  https://www.facebook.com/BOLUrduNews/ کولائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔