آئی سی سی ون ڈے ورلڈ کپ کے دوسرے سیمی فائنل میں آسٹریلیا نے جنوبی افریقہ کو 3 وکٹوں سے شکست دے کر فائنل میں جگہ بنا لی۔

تفصیلات کے مطابق آئی سی سی ون ڈے ورلڈ کپ 2023 کے دوسرے سیمی فائنل میں ایڈن گارڈن کولکتہ میں آسٹریلیا نے جنوبی افریقہ کو 3 وکٹوں سے شکست دے کر فائنل کے لیے کوالیفائی کر لیا۔

آسٹریلیا نے جنوبی افریقہ کا 212 رنز کا ہدف  وکٹوں کے نقصان پر 47.2 اوورز میں حاصل کر کے میگا ایونٹ میں جگہ بنا لی، جہاں اس کا مقابلہ بھارت سے ہو گا۔

آسان ہدف کے تعاقب میں آسٹریلیا کے اوپنرز نے 60 رنز کا عمدہ اسٹینڈ فراہم کیا۔

آسٹریلوی اوپنر ٹریوس ہیڈ نے 62 رنز بنائے جبکہ ڈیوڈ وارنر 29 رنز بنا کر آؤٹ ہوئے۔

مچل مارش بغیر کوئی رن بنائے پویلین واپس لوٹ گئے، جبکہ گلین میکسویل صرف 1 رن بنا کر آؤٹ ہو گئے، اسٹیو اسمتھ نے 30 اور مارنس لبوشین 18 رنز بنا کر آؤٹ ہوئے.

جوش انگلس نے 28 رنز بنائے، جبکہ مچل اسٹارک 16 اور کپتان پیٹ کمنز 14 رنز بنا کر ناٹ آؤٹ رہے۔

پروٹیز کی جانب سے گیرالڈ کوئٹزی اور تبریز شمسی نے 2،2 کھلاڑیوں کو آؤٹ کیا، جبکہ کیشو مہاراج، کگیسو رباڈا اور ایڈن مارکرم نے

اس سے قبل جنوبی افریقہ نے ٹاس جیت کر پہلے بیٹنگ کا فیصلہ کیا اور پوری ٹیم 49.4 اوورز میں 212 رنز بنا کر آؤٹ ہو گئی۔

جنوبی افریقہ کے لیے میگا ایونٹ کے لیگ میچز میں اپنی بیٹنگ سے شاندار آغاز فراہم کرنے والے کوئنٹن ڈی کوک 3 اور کپتان ٹمبا باؤما بغیر کوئی رن بنائے آؤٹ ہوئے۔

وین ڈر دوسن 6 جبکہ ایڈن مارکرن 10 رنز ہی بنا سکے۔

پروٹیز کے 4 کھلاڑی صرف 24 رنز پر پویلین لوٹ گئے تھے، جس کے بعد ہینرچ کلاسن اور ڈیوڈ ملر نے ٹیم کو سنبھالا اور اسکور کو 119 رنز تک پہنچایا۔

ہینرچ کلاسن 47 رنز بنا کر آؤٹ ہوئے جبکہ ڈیوڈ ملر نے 101 رنز کی شاندار اننگ کھیل کر ٹیم کو اسکور کو 200 تک پہنچانے کی کامیاب کوشش کی۔

گیرالڈ کوئٹزی نے 19 اور کگیسو رباڈا نے 10 رنز بنائے۔

آسٹریلیا کی جانب سے مچل اسٹارک اور کپتان پیٹ کمنز نے 3،3 کھلاڑیوں کو آؤٹ کیا جبکہ جوش ہیزل ووڈ اور ٹریوس ہیڈ نے 2،2 وکٹیں حاصل کیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں