یورپی یونین کے اہم ملک نے فلسطین کو علیحدہ آزاد ریاست تسلیم کرلیا

ویب ڈیسک

18th Nov, 2023. 02:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

یورپی یونین کے اہم ملک نے فلسطین کو علیحدہ آزاد ریاست تسلیم کرلیا

ناروے کی پارلیمنٹ نے فلسطین کو علیحدہ آزاد ریاست تسلیم کرنے کی قرارداد منظور کرلی ہے۔

غیر ملکی خبر رساں ادارے کی رپورٹ کے مطابق یورپی ملک آئس لینڈ، سویڈن، پولینڈ، رومانیا اور چیک ریپبلک پہلے ہی فلسطین کو آزاد ریاست تسلیم کرچکے ہیں۔

دوسری جانب اسپین کے وزیر اعظم نے بھی پارلیمنٹ کو یقین دہانی کرائی ہے کہ وہ فلسطین کو آزاد ریاست تسلیم کرنے کے حوالے سے کام کریں گے۔

تاہم اب یورپی یونین کے ایک اور اہم ملک ناروے کی پارلیمنٹ نے فلسطین کو علیحدہ آزاد ریاست تسلیم کرنے کی قرارداد کو بھاری اکثریت سے منظور کرلیا ہے۔

یہ بھی پڑھیں: غزہ میں اسرائیلی بربریت سے شہید فلسطینیوں کی تعداد 12 ہزار تک پہنچ گئی

رپورٹ کے مطابق ناروے حکومت کی اتحادی چھوٹی جماعتوں کے مطالبے پر ناروے کی پارلیمنٹ میں بل پیش کیا گیا تھا جس میں فلسطین کو فوری طور پر ریاست تسلیم کرنے کا مطالبہ کیا گیا تھا۔

قرارداد کے متن میں کہا گیا تھا کہ اسمبلی حکومت سے مطالبہ کرتی ہے کہ فلسطین کو آزاد ریاست تسلیم کرنے کے لیے تیار رہے۔

واضح رپے کہ یورپی ملک بیلجیئم نے بھی فلسطین کو ریاست تسلیم کرنے پر غور شروع کردیا ہے۔