فہد مصطفیٰ کا شمار وطن عزیز کے ٹاپ اسٹارز میں ہوتا ہے انہوں نے ابھی تک جتنا بھی کام کیا ہے وہ لاجواب کیا ہے۔ وہ ایک کامیاب اداکار، بہترین میزبان اور پاکستان کے سب سے بڑے پروڈیوسرز میں سے ایک ہیں۔

فہد مصطفیٰ نے اپنے بعد انڈسٹری میں آنے والے تقریباً تمام ہی اداکاروں کے ساتھ کام کیا ہے اس کے ساتھ ہی انہوں نے بہت سے نئے چہروں کو بھی متعارف کروایا تاکہ وہ بھی اپنی صلاحتیں کو منواسکیں۔

انہوں نے اپنے کیریئر میں بے شمار کامیابیاں حاصل کی ہیں اور ہرمیدان میں اپنی عمدہ صلاحیتوں سے فتح کو اپنے نام کیا ہے۔ فہد مصطفیٰ گزشتہ بیس برسوں سے پاکستانی انٹرٹینمنٹ انڈسٹری سے وابستہ ہیں اور انہوں نے اس صنعت کے ارتقاء کے لیے بھی بہت کام کیا ہے جس کا اندازہ موجودہ انڈسٹری کو دیکھ کیا جاسکتا ہے۔ انہوں نے اداکاری اورمیزبانی دونوں شعبوں میں بے پناہ نام کمایا ہے۔ فہد مصطفیٰ کے مشہور ڈراموں میں کنکر، میں عبدالقادر ہوں، میں چاند سی اور دوسری بیوی جیسے ہٹ ٹیلی ویژن ڈرامیں شامل ہیں۔

فہد مصطفیٰ کی سب سے خاص بات یہ ہے کہ وہ کسی بھی حوالے سے اپنی رائے کا کھل کر اظہار کرتے ہیں، انڈسٹری کی بہتری کے لیے اپنی خدمات پیش کرتے رہتے ہیں۔

یہ بات تو سب ہی جانتے ہیں کہ سوشل میڈیا نے بہت سے لوگوں کو کم وقت میں شہرت کی بلندیوں پر پہنچادیا ہے جنہیں لوگ پسند کرتے ہیں اور ان کے فالوورز کی تعداد لاکھوں میں ہے۔

یوٹیوب میں خاص طور پر ایسے یوٹیوبرز جو بے پناہ شہرت رکھتے ہیں وہ صرف اپنی ذات اور اہل خانہ پر ویڈیوز بناتے ہیں خاندان پر مبنی مواد پیش کرتے ہیں جنہیں لوگ شوق سے دیکھتے ہیں۔ ان میں معاذ صفدر، کنول اور ذوالقرنین، ڈکی بھائی اور بہت سے دوسری مشہور شخصیات ہیں جو اپنی خاندانی اور ذاتی زندگیوں کا اشتراک کرتے ہیں اور ان کے چاہنے والے ان کی پیروی کرنا پسند کرتے ہیں۔

فہد مصطفیٰ کو حال ہی میں ایک شو میں بطور مہمان مدعو کیا گیا جہاں میزبان نے ان سے پوچھا  کہ اگر کوئی ایسا شخص جو یوٹیوبر یا ٹک ٹاکر ہے اور سو سوشل میڈیا پر اپنے کانٹنٹ کی وجہ سے مشہور ہے اور لاکھوں ان کے فالوورز ہیں وہ کسی ڈرامے میں آپ کا سامنے آکر کھڑے ہوجائیں تو کیا آپ انہیں اداکار کے طور پر قبول کریں گے یا کہیں گے کوئی بات نہیں۔ تو اس کے جواب میں فہد مصطفیٰ کا کہنا تھا کہ اداکاری میری میراث نہیں ہے مسئلہ میرے ساتھ نہیں بلکہ مسئلہ ان کے ساتھ ہے بحثیت پروڈیوسر بہت سارے لوگ کانٹنٹ بناتے ہیں لیکن اس ملک میں لفظ مواد کو اوورریٹ کیا گیا ہے۔ ہر شخص کانٹنٹ کی بات کرتا ہے اور دیکھا جائے کو ئی بھی کانٹنٹ نہیں ہے یہ سب زیادہ تر اپنے خاندان کو بیچ رہے ہیں اور کیا ہے ان کے پاس، گھر کے سارے دن کی روداد سناتے ہیں، یہ کونسا کونٹنٹ ہے میں اچھی کہانی سنا سکتا ہوں بری کہانی سنا سکتا ہوں لیکن میں گھر کو نہیں بیچ سکتا اور اپنے آپ کو نہیں بیچ سکتا۔انہیں یہ بات ہی سمجھ نہیں آتی کہ کسی بھی فلم کی یا ڈرامہ کی شوٹنگ میں کتنا وقت لگتا ہے کیونکہ یہ فوری ویڈیو بناتے ہیں لیکن یہ سوشل میڈیا اسٹارز دس پندرہ گھنٹے کام کرنے کے عادی نہیں ہیں جس طرح دیگر اداکار کرتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں​