محکمہ صحت سے کروڑوں روپے کے مشکوک اخراجات کا انکشاف

ویب ڈیسک

19th Nov, 2023. 07:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

محکمہ صحت سے کروڑوں روپے کے مشکوک اخراجات کا انکشاف

بلوچستان کے محکمہ صحت سے 37 کروڑ روپے کے مشکوک اخراجات کا انکشاف ہوا ہے۔

ذرائع محکمہ خزانہ کے مطابق بی ایم سی ہسپتال کوئٹہ میں 34کروڑ 47لاکھ روپے کے ادویات کی خریداری کا ریکارڈ غائب ہے جبکہ اتنی بڑی رقم کی ادویات کی خریداری مالی سال 2020-21 میں کی گئی۔

محکمہ خزانہ کا کہنا ہے کہ دسمبر 2022کو محکمہ صحت کی جانب سے بتایا گیا کہ ریکارڈ سابق کیشیئر کی تحویل میں ہے، محکمہ صحت کے آڈٹ رپورٹ کی تیاری تک ادویات کی خریداری کا ریکارڈ پیش نہیں کیا جاسکا۔

ذرائع محکمہ خزانہ کے مطابق بی ایم سی ہسپتال نے مالی سال 2020-21 میں مختلف ذرائع سے تین کروڑ روپے کا ریونیو اکھٹا کیا ،3کروڑ میں سے صرف 91لاکھ روپے سرکاری خزانے میں جمع کیے گئے جبکہ 2کروڑ 9لاکھ روپے سرکاری خزانے میں جمع نہیں کیے گئے۔

محکمہ خزانہ نے کہا کہ شبہ ہے کہ سرکاری خزانہ میں جمع نہ ہونے والی رقم خورد برد کا شکار ہوئی، آڈٹ رپورٹ میں دونوں کیسز میں ذمہ داروں کا تعین کرنے اور ان کے خلاف کارروائی کی سفارش کی گئی ہے۔

اگرآپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کولائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں۔