اسپیکر قومی اسمبلی راجہ پرویز اشرف نے کہا ہے کہ پیپلز پارٹی عوامی خدمت کو اپنا نصب العین سمجھتی ہے۔

 تفصیلات کے مطابق اسپیکر قومی اسمبلی راجہ پرویز اشرف نے کوگوجر خان کی یونین کونسل گہنگریلہ کے دورہ کے موقع پر عوامی اجتماع سے خطاب کرتے ہوئے کہا کہ پاکستان پیپلز پارٹی عوامی، پارلیمانی اور جمہوری سیاسی جماعت ہے اور پیپلز پارٹی نے ہمیشہ عوامی طاقت کے ذریعے الیکشن جیتے ہیں۔

انہوں نے کہا کہ گوجر خان کی عوام کو پیپلز پارٹی نے جو عزت بخشی ہے اس کی کوئی مثال نہیں ملتی،پاکستان پیپلز پارٹی ہی وہ واحد سیاسی پارٹی ہے جس میں عام ورکر کو عزت دی جاتی ہے۔

ان کا کہنا تھا کہ ملک پر جب بھی کڑا وقت آیا پاکستان پیپلز پارٹی نے ملک کو مشکل سے نکالنے کے لیے آپس کے اختلافات کو بھلا کر ملک کی بقا کی خاطر بھرپور کردار ادا کیا۔

 اسپیکر قومی اسمبلی راجہ پرویز اشرف نے کہا کہ پاکستان پیپلز پارٹی آئندہ الیکشن میں عوام کی مدد سے حکومت بنائے گی۔

انہوں نے کہا کہ پاکستان پیپلز پارٹی نے گزشتہ ڈیڑھ سال میں اتحادی حکومت کے ساتھ ملکر عوام کے وسیع تر مفاد میں اقدامات اٹھائے ہیں اور عوامی مسائل کو ترجیحی بنیادوں پر حل کرنے کی کوشش کی ہے، گوجر خان کی عوام سے کیے گئے وعدے پورے کیے جا رہے ہیں۔

ان کا کہنا تھا کہ بطور وزیراعظم اور اسپیکر قومی اسمبلی گوجر خان کی عوام کے مسائل کو ان کی دہلیز پر حل کیا ہے۔

اسپیکر قومی اسمبلی راجہ پرویز اشرف نے کہا کہ گوجر خان کی عوام نے آئندہ خدمت کا مزید موقع دیا تو گوجر خان کے مسائل کے حل کے لیے کوئی دقیقہ فروگذاشت نہیں رکھا جائے گا۔

اس موقع پر ان کے ہمراہ راجہ جاوید اشرف اور امیدوار برائے صوبائی اسمبلی خرم پرویز راجہ بھی موجود تھے۔

اگرآپ حالاتِ حاضرہ سے باخبر رہنا چاہتے ہیں تو ہمارےفیس بک پیج  https://www.facebook.com/BOLUrduNews/ کولائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔