آفتاب اقبال کا شمار پاکستان کے مشہور میزبانوں میں ہوتا ہے، جو اپنی علمی اور تاریخی حوالوں پر مبنی گفتگو کی وجہ سے جانے جاتے ہیں۔ وہ شاعری، ادب اور تاریخ سے بے پناہ رغبت رکھتے ہیں یہی وجہ ان کی بات کرنے کے انداز  میں ان کے علمی ادب کی جھلک واضح دکھائی دیتی ہے۔

آفتاب اقبال نے پاکستانی ٹیلی ویژن پر شو کا ایک منفرد تصور پیش کیا جس کی تقلید بعد میں بہت سارے چینلز نے بھی کی۔تاہم ان شو کی سب سے نمایاں خصوصیت ان کی کسی بھی موضوع کے حوالے معلومات تھی، ان کے شو میں  مہمانوں کے ساتھ کچھ بہترین مزاح نگار بھی شامل ہوتے ہیں اور وہ ادب اور تاریخ کے حوالوں سے حالات حاضرہ پر بات کرتے ہیں۔

دوسری طرف راکھی ساونت بالی ووڈ کی ایک بہت ہی متنازعہ شخصیت ہیں۔ وہ اپنی نازیبہ حرکات اور گفتگو کے لیے کافی شہرت رکھتی ہیں، ہر بار وہ کچھ ایسا نیا اور مفرد کرتی ہیں کہ سوشل میڈیا پر وائرل ہوجاتی ہیں اور ہر سو ان کا چرچے ہونے لگتے ہیں۔

کچھ عرصے کی غیر حاضری کے بعد اب وہ ایک بڑی خبر کے ساتھ واپس آئی ہیں جو پاکستان اور بھارت دونوں کی عوام کے لیے باعث حیرت ہے، یہ خبر دبئی میں تاریخ کا سب سے عجیب و غریب  واقعہ ہے۔

وہ خبر یہ ہے کہ راکھی ساونت کو آفتاب اقبال نے اپنے  شو میں شامل کر لیا ہے جی ہاں یہ سچ ہے۔ جس کی تصدیق ایک ویڈیو کے ذریعے آفتاب اقبال اور ان کے ٹیم نے خود کی ہے۔ اس ویڈیو میں راکھی ساونت کو آفتاب اقبال اور ان کی ٹیم کے ساتھ شو کے کانٹریکٹ پر دستخط کرتے ہوئے ددکھایاگیا ہے یہ بات تو سب ہی جانتے ہیں کہ آفتاب اقبال ہمیشہ سے ہی اپنے شو میں کچھ نیا کرتے ہیں لیکن کسی نے بھی توقع نہیں کی تھی وہ راکھی ساونت کو اپنے شو میں شامل کریں گے۔

واضح رہے کہ آفتاب اقبال گزشتہ چند ماہ سے ذاتی وجوہات کی بناپر دبئی میں مقیم ہیں اور وہی سے شو  کی میزبانی کے فرائض انجام دیں رہے ان کا راکھی ساونت کے ساتھ یہ شو بھی دبئی سے ہی پیش کیا جائے گا۔

تاہم راکھی ساونت کا آفتاب اقبال شو میں شامل ہونے پر مداحوں نے ملے جلے رد عمل کا اظہار کیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں​