اسپن بولنگ کوچ سعید اجمل کہتے ہیں کہ پاکستان کے اسپن اٹیک کو بہتر ہونے میں ابھی وقت لگے گا۔

پاکستان کرکٹ ٹیم کے اسپن بولنگ کوچ سعید اجمل نے قومی ٹیم کے اسپن اٹیک کو تبدیل کرنے کے عزم کا اظہار کیا ہے لیکن ساتھ ہی انہوں نے یہ بھی کہا کہ اس میں ابھی وقت لگے گا۔

سعید اجمل کا پہلا ٹاسک دورہ آسٹریلیا پرٹیسٹ سیریز ہے جو 14 دسمبر 2023 سے 7 جنوری 2024 تک کھیلی جائے گی جب کہ ان کا دوسرا ٹاسک نیوزی لینڈ کے خلاف ٹی ٹوئنٹی سیریز ہوگا جو 12 سے 21 جنوری 2024 تک شیڈول ہے۔

سعید اجمل کا ایک انٹرویو میں کہنا تھا کہ محنت اور اپنے تجربے کو بروئے کار لاتے ہوئے پاکستان کرکٹ بورڈ (پی سی بی) کی توقعات پر پورا اترنے کی پوری کوشش کروں گا لیکن یہ ایک وقت طلب عمل ہوگا۔

انہوں نے کہا کہ آسٹریلوی کنڈیشنز میں اسپنرز کے کامیاب ہونے کے امکانات بہت کم ہیں لیکن نعمان علی اور ابرار احمد کو آسٹریلیا کے دورے کے لیے منتخب کیا گیا ہے اور وہ ڈومیسٹک سرکٹ میں اچھی کارکردگی کا مظاہرہ کر رہے ہیں۔

دورہ آسٹریلیا کے لیے پاکستانی اسکواڈ

شان مسعود (کپتان)، عامر جمال، عبداللہ شفیق، ابرار احمد، بابر اعظم، فہیم اشرف، حسن علی، امام الحق، خرم شہزاد، میر حمزہ، محمد رضوان (وکٹ کیپر)، محمد وسیم جونیئر، نعمان علی، صائم ایوب، سلمان علی آغا، سرفراز احمد، سعود شکیل اور شاہین شاہ آفریدی۔