صدر مملکت ڈاکٹر عارف علوی نے کہا ہے کہ عالمی برادری غزہ میں اسرائیلی مظالم روکنے کیلئے اپنا کردار ادا کرے۔

تفصیلات کے مطابق صدر مملکت سے مسجد الحرام کے امام خطیب ڈاکٹر صالح بن عبداللّٰہ حُمَید نے ملاقات کی جس میں غزہ، اسلاموفوبیا اور عالم اسلام کو درپیش دیگر چیلنجز پر تبادلہ خیال کیا گیا۔

اس موقع پر صدر مملکت نے کہا کہ پاکستان دو ریاستی حل پر مبنی مسئلہ فلسطین کے منصفانہ حل کی بھرپور حمایت کرتا ہے۔

انہوں نے کہا کہ دنیا کو فلسطینی عوام کی تکلیف کا احساس کرنا چاہیے۔

ڈاکٹر عارف علوی دیگر امور پر گفتگو کرتے ہوئے صدر عارف علوی نے کہا کہ سعوی عرب اور ایران تعلقات بحالی اہم پیش رفت ہے۔

صدر مملکت ڈاکٹر عارف علوی کا مزید کہنا تھا کہ بھارت مقبوضہ جموں و کشمیر کا آبادیاتی تناسب بدل رہا ہے، بھارت مسلمانوں کی نسلی کشی میں ملوث ہے۔

اس دوران مسجد الحرام کے امام خطیب ڈاکٹر صالح بن عبداللّٰہ حُمَید کا کہنا تھا کہ مسلم دنیا نے مسئلہ فلسطین پر متفقہ مؤقف اپنایا ہے، فلسطین میں مظالم روکنے کےلیے مسلم دنیا کی انسانی اور سفارتی امداد کی ضرورت ہے۔

ملاقات میں پاکستان میں سعودی عرب کے سفیر نواف بن سعید احمد المالکی بھی شریک تھے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔