افغانستان میں طالبان کا چیک پوسٹ پر حملہ، 11 پولیس اہلکار ہلاک

محمد طیب

16th Mar, 2020. 09:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

افغانستان میں طالبان کا چیک پوسٹ پر حملہ، 11 پولیس اہلکار ہلاک

افغانستان کے شہر فرح میں طالبان نے چیک پوسٹ پر حملہ کر دیا، حملے کے نتیجے میں 11 پولیس اہلکار کو ہلاک ہوگئے۔

غیر ملکی خبررساں ادارے کے مطابق افغانستان کے شہر فرح میں طالبان نے چیک پوسٹ پر حملہ کرکے 11 پولیس اہلکاروں کو ہلاک کردیا۔

افغان میڈیا کے مطابق طالبان نے فرح شہر میں واقع چیک پوسٹ پر موجود پولیس اہلکاروں کو فائرنگ کر کے ہلاک کیا اور با آسانی فرار ہو گئے، حملہ آور جاتے ہوئے پولیس اہلکاروں کے ہتھیار اور دیگر ضروری سامان بھی ساتھ لے گئے۔

افغانستان میں مسلح افراد کا تقریب پر حملہ، 27 افراد جاں بحق

دوسری جانب گزشتہ روز نامعلوم افراد نے پاکستان میں افغانستان کے سابق سفیر ملا عبدالسلام صعیف کے گھر پر بھی حملہ کیا جس کے نتیجے میں ایک سیکیورٹی گارڈ ہلاک ہو گیا تاہم حملے کے وقت سابق طالبان لیڈر گھر پر موجود نہیں تھے۔

اس سے قبل رواں ماہ کےآغاز میں طالبان نے صوبہ قندوز کے ضلع امام صاحب میں فورسز پر حملہ کیا جس کے نتیجے میں 16 فوجی ہلاک ہوگئے تھے ۔

اس حملے کے دو روز بعد افغان دارالحکومت کابل میں حزب وحدت پارٹی کے رہنما عبدالعلی مزاری کی 25 ویں برسی کی تقریب کے دوران مسلح افراد نے حملہ کردیا تھا۔

وزارت داخلہ کے ترجمان نصرت رحیمی کے مطابق حملے کے نتیجے میں خواتین اور بچوں سمیت 27 افراد جاں بحق جبکہ 29 زخمی ہوگئے تھے۔