عام انتخابات کے حوالے سے الیکشن کمیشن آف پاکستان نے بڑا اعلان کردیا ہے۔

تفصیلات کے مطابق الیکشن کمیشن نے آئندہ عام انتخابات کے لیے حلقہ بندیوں کی حتمی فہرستیں جاری کر دیں۔

الیکشن کمیشن کا کہنا ہے کہ آئندہ عام انتخابات میں پنجاب میں قومی اسمبلی کے کل حلقے 141 ہونگے جبکہ پنجاب میں صوبائی اسمبلی کی 297 نشستوں ہوگی۔

لاہور میں قوی اسمبلی کے کل 14 حلقے ہونگے جبکہ لاہور میں قومی اسمبلی کے حلقے این اے 117 سے این اے 130 تک ہونگے۔

لاہور میں صوبائی اسمبلی کے کل 30 حلقے ہونگے جبکہ لاہور میں صوبائی اسمبلی کے حلقے پی پی 145 سے پی پی 174 تک ہو نگے۔

پنجاب میں فیصل آباد میں صوبائی اسمبلی کی 21، راولپنڈی کی 13، رحیم یار خان کی 13 نشستیں ہونگی جبکہ ئندہ عام انتخابات میں ملتان کی 12 اور گوجرانولہ میں 12 صوبائی اسمبلی کی نشستیں ہونگی۔

الیکشن کمیشن کے مطابق پنجاب کی صوبائی اسمبلی میں سیالکوٹ کی 10، قصور کی 10، بہاولپور کی 10 اور سرگودھا کی بھی 10 نشستیں ہوں گی جبکہ پنجاب اسمبلی میں شیخوپورہ کی 9، بہاولنگر 8، اوکاڑہ 8، خانیوال کی 8 نشستیں ہونگی۔

پنجاب اسمبلی میں گجرات 8، وہاڑی 8، مظفر گڑھ 8، ساہیوال کی 7 اور جھنگ کی بھی 7 نشستیں ہوگی۔

ٹوبہ ٹیگ سنگھ کی پنجاب کی صوبائی اسمبلی میں 6، ڈی جی خان 6، راجن پور 6، اٹک کی 5، نشستیں ہونگی۔

نارووال 5، پاکپتن 5، بھکر 5 اور لیہ کی بھی 5 نشستیں ہوں گی۔ پنجاب میں صوبائی اسمبلی کیلئے خوشاب کی جنرل نشستوں کی تعداد 4، میانوالی 4 کی نشستیں ہونگی۔

الیکشن کمیشن کے مطابق چنیوٹ میں 4، ننکانہ صاحب 4، لودھراں 4 اور منڈی بہاؤالدین کی بھی 4 نشستیں ہوں گی۔ جہلم کی صوبائی اسمبلی کیلئے جنرل نشستوں کی تعداد 3، حافظ آباد 3، کوٹ ادو 3 جبکہ وزیرآباد، تونسہ، چکوال کی 2-2 نشستیں ہوں گی۔ پنجاب کی صوبائی اسمبلی میں مری چکوال، تلہ گنگ کی ایک ایک نشست ہوگی۔