اسرائیل نے فضائی حملوں کے ساتھ غزہ بھر میں زمینی حملے بڑھادیے

ویب ڈیسک

04th Dec, 2023. 01:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسرائیل نے فضائی حملوں کے ساتھ غزہ بھر میں زمینی حملے بڑھادیے

اسرائیل نے غزہ میں زمینی کارروائی مزید تیز کرتے ہوئے شمالی غزہ کے بعد جنوبی غزہ پر بھی بم برسانا شروع کردیے۔

غیر ملکی خبر رساں ادارے کی رپورٹ کے مطابق اسرائیل نے فضائی حملوں کے ساتھ غزہ بھر میں زمینی حملے بڑھا دیے ہیں جب کہ گذشتہ 24 گھنٹوں کے دوران 700 فلسطینی شہید ہوئے ہیں۔

اسرائیلی بربریت میں اب تک 16 ہزار سے زائد فلسطینی شہید ہوچکے ہیں جب کہ کمال عدوان اسپتال کے دروازے پر حملے سے 4 فلسطینی شہید ہوئے۔

یہ بھی پڑھیں: اسرائیلی حملے میں غزہ کے نامور سائنسدان سفیان طیبہ بھی شہید

رپورٹ کے مطابق صیہونی فوج نے رفح میں گھروں پر بمباری کی جس میں ہلاکتوں کا خدشہ ہے اور مقبوضہ مغربی کنارے کے مختلف علاقوں میں اسرائیلی فوج کے چھاپے جاری ہیں۔

رام اللہ، الخلیل، جنین، قلقیلیہ سمیت کئی شہروں میں اسرائیلی فوج گھس گئی اور علاقے کا محاصرہ کرکے گھر گھر تلاشی لے رہے ہیں۔

دوسری جانب خان یونس میں بھی اسرائیل نے رہائشی عمارت کو ٹینکوں سے گولہ باری کا نشانہ بنایا جس میں بھی ہلاکتوں کا خدشہ ظاہر کیا جارہا ہے۔

یہ بھی پڑھیں: امریکی نائب صدر کو بھی غزہ کا خیال آہی گیا

یاد رہے کہ اسرائیلی آرمی چیف نے جنوبی غزہ میں شدت سے حملوں کی تصدیق کرتے ہوئے فضائیہ کی مدد لینے کا بھی اعلان کیا ہے۔

علاوہ ازیں اسرائیلی فوج نے غزہ میں لڑائی کے دوران اپنے تین فوجیوں کی ہلاکت کی بھی تصدیق کی ہے۔