مسلم لیگ ن کے قائد نوازشریف اور چوہدری شجاعت حسین کی ملاقات کی اندرونی کہانی سامنے آ گئی، مسلم لیگ ق نے مسلم لیگ ن سے پنجاب میں بھرپور حصہ مانگ لیا۔

پارٹی ذرائع کا کہنا ہے کہ مسلم لیگ ق نے پنجاب بھرسے قومی اسمبلی کی 10 سے زائد اور صوبائی اسمبلی کی 22 نشستیں مانگ لیں، مسلم لیگ ق نے گجرات، سیالکوٹ، منڈی بہاؤ الدین اور حافظ آباد میں سیٹ ایڈجسٹمنٹ کا مطالبہ کردیا۔

پارٹی ذرائع کے مطابق 2018 میں جہاں جہاں سے مسلم لیگ ق کے امیدوار کامیاب ہوئے تھے، ملاقات کے دوران چوہدری شجاعت حسین نے نوازشریف سے مطالبہ کیا کہ  وہ نشستیں دوبارہ ہمیں دی جائیں، ہم نے تحریک عدم اعتماد میں بنا کسی خوف و لالچ کے پی ڈی ایم کا ساتھ دیا، اب ہمیں اسی حساب سے حصہ دیا جائے۔

نواز شریف اور چوہدری شجاعت کی ملاقات کی اندرونی کہانی
ق لیگ نے ن لیگ سے پنجاب میں بھر پور حصہ مانگ لیا پارٹی ذرائع
بول نیوز سے براہ راست: https://t.co/kgvA7al3Kh#BOLNews #PMLN pic.twitter.com/kO3p7uLo81

Advertisement

— BOL Network (@BOLNETWORK) December 6, 2023

پارٹی کے ذرائع کا یہ بھی کہنا ہے کہ چوہدری شجاعت حسین نے مسلم لیگ ن کو ہمیں زیادہ سے زیادہ اسپیس دینی چاہیئے، ہم مل جل کر پنجاب میں پی ٹی آئی، پیپلزپارٹی اور آئی پی پی کا مقابلہ کر سکتے ہیں، مسلم لیگ کا ووٹ ن یا ق کے چکر میں ضائع نہیں ہونا چاہیئے، مل کر چلنے میں برکت ہوگی۔

پارٹی ذرائع نے یہ بھی بتایا کہ پی ڈی ایم کا ساتھ دینے پرہمارے خاندان میں پھوٹ تک پڑ گئی تھی، لیکن ہمیں اپنے سیاسی و خاندانی فیصلے پرافسوس نہیں۔ ہم آج بھی اپنے اس فیصلے پر مطمئن ہیں۔

قائد پاکستان مسلم لیگ ن نواز شریف اور شہباز شریف کی چوہدری شجاعت حسین سے ملاقات۔۔۔ pic.twitter.com/UKdd2dffmh

Advertisement

— PMLN (@pmln_org) December 6, 2023

ملاقات کے دوران سیٹ ایڈجسٹمنٹ کے تحت مذکورہ اضلاع کے علاوہ قومی اسمبلی کے ن لیگی امیدواروں کے نیچے مسلم لیگ ق کے امیدواروں کو صوبائی نشستوں پر نامزدگی کی تجویزدی گئی اورمسلم لیگ ق کی جانب سے ضلع بہاولپور سے طارق بشیر چیمہ کی نشست پر زیادہ زوردیا گیا۔

پارٹی ذرائع کا کہنا تھا کہ مسلم لیگ ق کی جانب سے یہ تجویز بھی دی گئی کہ طارق بشیر چیمہ کے حلقے میں دونوں صوبائی امیدوار بھی ہمارے ہی ہوں تاہم قائد ن لیگ نوازشریف نے چوہدری شجاعت حسین کی تجاویز و مطالبات پر فوری ردعمل دینے سے گریزکیا۔  نواز شریف نے سارے معاملات پر دونوں پارٹیوں کی مشرکہ کمیٹی بنانے کی تجویزدی۔ مشترکہ کمیٹی آئندہ چند روز میں تشکیل دے دی جائے گی۔

مشترکہ کمیٹی سیٹ ایڈجسٹمنٹ کے تمام تر معاملات پر دونوں جماعتوں کی اعلی قیادت کو تجاویز دے گی۔

واضح رہے کہ سابق وزیراعظم نوازشریف تقریباً 15سال بعد چوہدری شجاعت سے ملنے ان کی رہائش گاہ پہنچے، دونوں رہنماؤں کے درمیان ملاقات 40 منٹ تک جاری رہی۔

اس سے قبل سابق وزیراعظم نواز شریف 2009 میں چوہدری شجاعت کی والدہ کی وفات پرتعزیت کے لئے ظہور پیلس گئے تھے۔  ان کے ہمراہ شہباز شریف، مریم نواز، رانا ثناء اللہ، سردارایاز صادق اور اعظم نذیر تارڑ موجود تھے۔

دونوں رہنماؤں کے درماین ملاقات سے متعلق کی تفصیل جاننے کے لیے لنک کھولیں۔