ندا یاسر پاکستان شوبز انڈسٹری کا ایک ایسا نام بن چکی ہیں جو کسی تعریف کی محتاج نہیں ، انہوں نے اپنی اداکاری اور عمدہ میزبانی سے یہ مقام حاصل کیا ہے۔

ندا یاسر کو اگر پاکستان شوبز انڈسٹری میں مارننگ شو کوئین کہا جائے تو یہ بھی غلط نہیں ہو گا، وہ گزشتہ چودہ سالوں سے ایک نجی ٹی وی کے مارننگ شو کی میزبانی کے فرائض سرانجا م دے رہی ہیں۔

انہوں نے کئی سنجیدہ اور کامیڈی ڈراموں میں اپنی لاجواب اداکاری کے جوہر دکھائے ہیں جن میں سب سیٹ ہے، نادانیاں، ہم تم اور’ یہ زندگی ہے‘ شامل ہیں۔

حال ہی میں، ندا یاسر نے شائستہ لودھی کے پوڈ کاسٹ میں شرکت کی اور خود پر ہونے والی تنقید پر کھل کر اظہار خیال کیا۔

ندا یاسر نے خود کو بوڑھی یا آنٹی کہنے والوں کو مخاطب کرتے ہوئے کہا کہ بچپن سے ان کی توجہ خود پر ہونے کے بجائے اپنی فیملی پر مرکوز تھی، اب جب ان کے پاس خود پر توجہ دینے کا وقت ہے تو وہ وہی کریں گی جو ان کا دل کرے گا پھر چاہے وہ چمکیلے لباس کا انتخاب ہو یا بھڑکیلا میک اپ۔

یہ بھی پڑھیں: ندا یاسر بھی ’فیشن‘ ڈیزائنر بن گئیں

ان کا یہ بھی کہنا تھا کہ وہ ہر بار تنقید کو برا نہیں سمجھتیں بلکہ اس میں کوئی نہ کوئی اصلاحی پہلو نکال لیتی ہیں، کئی سالوں کی محنت کے بعد آج وہ کسی حد تک اس میں کامیاب ہوئی ہیں۔

واضح رہےکہ ندا یاسر کی شادی پاکستانی شو بز انڈسٹری کے ایک مشہور اداکار، ہدایت کار  پروڈیوسر یاسر نواز سے 2002 میں ہوئی تھی اور اب ان کی جوڑی کا شمار شوبزانڈسٹری کی خوبصورت اور کامیاب ترین جوڑیوں میں ہوتا ہے۔

یاسر نے دوسری شادی کی تو انہیں چھوڑ دوں گی، ندایاسر

اس جوڑی کے اس رشتے کو اکیس سال ہوچکے ہیں اور ان کے تین پیارے سے بچے ہیں۔