پاکستان سپر لیگ (پی ایس ایل) کی تاریخ میں پہلی بار 3  سگے بھائی ایک ہی ٹیم  میں شامل ہوگئے۔

تفصیلات کے مطابق  گزشتہ روز نیشنل کرکٹ اکیڈمی (این سی اے) لاہور میں پاکستان سپر لیگ کے نویں ایڈیشن کے لیے پلیئرز ڈرافٹنگ کی تقریب منعقد ہوئی۔

ڈرافٹنگ میں تمام فرنچائزز نے اپنے اپنے اسکواڈز کو حتمی شکل دینے کے لیے بہترین سے بہترین کھلاڑی کو ٹیم میں شامل کرنے کی کوشش کی۔

https://twitter.com/IsbUnited/status/1734948119933247836

تاہم اس بار ڈرافٹنگ کے دوران ایک نئی تاریخ بھی رقم ہوگئی۔

دو مرتبہ پی ایس ایل کا ٹائٹل جیتنے والی فرنچائز اسلام آباد یونائیٹڈ نے نسیم شاہ کی خدمات پہلے ہی کوئٹہ گلیڈی ایٹرز سے ٹریڈنگ کے ذریعے حاصل کرلی تھیں۔

https://twitter.com/IsbUnited/status/1734956172439101921

اب گزشتہ روز ڈرافٹنگ میں نسیم شاہ کے دونوں چھوٹے بھائی وفاسٹ بولرز حنین شاہ اور عبید شاہ کو بھی ایمرجنگ کیٹگری میں اپنی ٹیم میں شامل کرلیا۔

https://twitter.com/IsbUnited/status/1734956641647480877

حنین  شاہ نے نیشنل ٹی20 کپ میں عمدہ کارکردگی کا مظاہرہ کیا تھا جبکہ عبید شاہ پاکستان انڈر 19 کی جانب سے دبئی میں ایشیاکپ کھیل رہے ہیں۔