موسم سرما میں دن چھوٹے اور راتیں لمبی ہونے لگتی ہیں ایسے میں بہت سے لوگ ونٹر بلیوز کا سامنا کرتے ہیں، کیونکہ دن میں کم ہوتی روشنی اور صبح کا دیر سے ہونا آپ کے مزاج کے ساتھ جسم پر بھی کچھ منفی اثرات مرتب کرتا ہے جس سے زیادہ تھکن محسوس ہوتی ہے۔

یہ بات تو سب ہی جانتے ہیں کہ قدرتی روشنی کی کمی ہماری چوکنا رہنے کی صلاحیت میں رکاوٹ کا باعث بنتی ہے اس طرح مزاج سستی کی طرف مائل رہتا ہے۔

جبکہ بہت سے افراد موسم سرما میں ڈپریشن کی ایک شکل جسے سیزنل ایفیکٹیو ڈس آرڈر کہا جاتا ہے کا سامنا کرتے ہیں، جس کے نتیجے میں توانائی کی سطح میں کمی ہونے لگتی ہے اور اس کی ایک وجہ سرد موسم میں گھر کے اندر رہنا اور کم متحرک ہونا بھی شامل ہے جو آپ میں سست رہنے کا احساس جگاتا ہے۔

 تاہم اچھی بات یہ ہے کہ تمام ہی سپر فوڈز اپنے اندر ایسے اجزاء رکھتے ہیں جو توانائی کی سطح بڑھانے اور مزاج کو بہتر بنانے میں مدد فراہم کر سکتے ہیں۔ یہ بات تو آپ سب ہی جانتے ہیں کہ سپر فوڈز انتہائی غذائیت سے بھرپور ہوتے ہیں، جن میں وٹامنز، منرلز اور اینٹی آکسیڈنٹس کی کثیر مقدار پائی جاتی ہے، سپر فوڈز توانائی کی سطح اور مجموعی صحت میں کئی طرح سے اضافہ کرتے ہیں۔

بہت سے سپر فوڈز اینٹی آکسیڈینٹ سے بھرپور ہوتے ہیں، جو آکسیڈیٹیو تناؤ اور سوزش سے لڑنے میں مدد کرتے ہیں، خلیے کے بہتر کام کو یقینی بناتے ہیں اور تھکاوٹ کو کم کرتے ہیں۔

یہاں پر 10 ایسے سپر فوڈز کا ذکر کیا جارہا ہے جو اس موسم سرما میں آپ کی توانائی کی سطح کو بڑھانے اور سستی سے لڑنے میں مدد دیں گے۔

بلیو بیریز

اینٹی آکسیڈینٹس اور وٹامنز سے بھری ہوئی، بلیو بیریز خون کے بہاؤ کو بہتر بناتی ہیں،  علمی افعال کو بڑھاتی ہیں اور توانائی کی سطح میں اضافہ کرتی ہیں۔

پالک

آئرن سے بھرپور پالک پورے جسم میں آکسیجن پہنچانے میں مدد کرتا ہے اور میٹابولزم کو بہتر بناتا ہے، اس طرح تھکاوٹ کا مقابلہ کرنا آسان ہوجاتا ہے۔

کوئنو

کوئنو پروٹین کا ایک مؤثر ذریعہ ہے جو توانائی کا ایک مستقل سلسلہ جاری کرتا ہے، اس طرح یہ آپ کو دن بھر ایندھن فراہم کرتا ہے۔

تخم ملنگا

اومیگا 3 فیٹی ایسڈز، فائبر اور پروٹین سے بھرپور یہ ننھے بیج قوت برداشت کو بڑھاتے،  بلڈ شوگر کی سطح کو مستحکم رکھتے اور توانائی کی کمی کو روکتے ہیں۔

سالمن مچھلی

اومیگا 3 فیٹی ایسڈز اور وٹامن ڈی کی کثیر مقدار لیے سالمن دماغ کی صحت کو بڑھاتی ہے۔ یہ سیروٹونن کی سطح میں اضافہ اور نیند کو منظم کرتی ہے اور اس طرح آپ کو موسم سرما کے بلیوز کا مقابلہ کرنا آسان ہوجاتا ہے۔

 دہی

دہی پروٹین سے مالا مال ہوتا ہے یہ خون میں شکر کی سطح کو مستحکم، ہاضمہ کے نظام کو بہتر اور توانائی کا ایک مؤثر ذریعہ فراہم کرتا ہے۔

شکر قندی

شکر قندی میں فائبر کی اعلیٰ سطح اور پیچیدہ کاربوہائیڈریٹ مسلسل توانائی فراہم کرتے ہیں، جس سے آپ چوکنا اور مطمئن محسوس کرتے ہیں۔

 بادام

میگنیشیم اور صحت مند چکنائی سے بھرپور بادام توانائی کو بڑھانے، تھکاوٹ کے احساس کو کم کرنے اور دماغ کے مجموعی کرکردگی کو بہتر بناتے ہیں۔

سبز چائے

کیفین اور اینٹی آکسیڈنٹس پر مشتمل سبز چائے دماغی چوکسی اور میٹابولزم کو بڑھاتی ہے جس سے توانائی کی سطح میں اضافہ ہوتا ہے۔

ڈارک چاکلیٹ

ڈارک چاکلیٹ میں کیفین ہوتی ہے جو اینڈورفنز کے اخراج کو تحریک دیتی ہے، اس طرح مثبت موڈ کو فروغ ملتا ہے اور توانائی بڑھنے لگتی ہے۔