پاکستان مسلم لیگ (ن) کے صدر اور قائد حزب اختلاف شہباز شریف نے کہا ہے کہ پاک فوج نے مادر وطن کے تحفظ، سلامتی اور دفاع کے لئے عظیم قربانیاں دی ہیں۔

تفصیلات کے مطابق پاکستان مسلم لیگ (ن) کے صدر اور قائد حزب اختلاف شہباز شریف نے بھارتی بلااشتعال فائرنگ کی مذمت کی اور پاک فوج کے جوان واجد علی کی شہادت پر اظہار افسوس کرتے ہوئے کہا کہ ہمارے شہدا ہمارا فخر و غرور ہیں۔

اپنے بیان میں قائد حزب اختلاف شہباز شریف نے کہا کہ بھارتی بلاجواز اور بلااشتعال فائرنگ بزدلانہ ہے جبکہ جنگ بندی کے معاہدے کی خلاف ورزی بھارت کی جانب سے کھلی دہشت گردی ہے۔

پاکستان مسلم لیگ (ن) کے صدر اور قائد حزب اختلاف شہباز شریف نے مزید کہا کہ رب کریم شہدا کے درجات بلند فرمائے آئے اور واجد علی شہید کے اہل خانہ کو صبر جمیل دے جبکہ ان کی قربانیوں کا حقیقی اجر اللہ تعالی انہیں عطاء فرمائے گا ۔ آمین

یاد رہے کے بھارتی فورسزکی لائن آف کنٹرول پر سیز فائر کی خلاف ورزیوں کاسلسلہ بدستور جاری ہے۔

بھارتی فوج کی ایل او سی پر بلااشتعال فائرنگ، سپاہی شہید

پاک فوج کے شعبہ تعلقات عامہ (آئی ایس پی آر) سے جاری بیان کے مطابق بھارتی فورسز نے ایل اوسی پر سیز فائر کی خلاف ورزی  کرتے ہوئے ایل او سی سیکٹر شاہ کورٹ پر بلا اشتعال فائرنگ اور گولاباری کی ۔

ترجمان آئی ایس پی آر نے کہا تھا کہ بھارتی فورسز کی لائن آف کنٹرول (ایل او سی) شاہ کوٹ سیکٹر میں بلا اشتعال فائرنگ کے تبادلہ میں بیس سالہ سپاہی واجد علی شہید ہوگئے ،سپاہی واجد علی کا تعلق ضلع دادو سے ہے۔

 پاک فوج کے شعبہ تعلقات عامہ کے ترجمان  نے مزید کہا تھا کہ بھارتی فورسز نے ایل او سی شاہ کوٹ سیکٹر میں فائرنگ کے دوران بھاری ہتھیار استعمال کیے جبکہ پاک فوج نے بھارتی جارحیت کا منہ توڑ جواب دیتے ہوئے جوابی کارروائی کرتے ہوئے بھارتی چوکیوں اور  چیک پوسٹوں کو بھاری جانی نقصان پہنچایا۔