مولانا فضل الرحمان کتنے حلقوں سے الیکشن لڑیں گے؟

علی شیر

18th Dec, 2023. 02:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مولانا فضل الرحمان کتنے حلقوں سے الیکشن لڑیں گے؟

اسلام آباد: جمعیت علمائے اسلام (جے یو آئی) کے سربراہ مولانا فضل الرحمان 2 یا 3 حلقوں سے الیکشن لڑیں گے۔

ذرائع کے مطابق مولانا فضل الرحمان اپنی نشست محفوظ کرنے کے لئے دویا تین حلقوں سے الیکشن لڑیں گے، بلوچستان کے دوحلقوں پشین اور قلعہ سیف اللہ سے تو الیکشن لڑیں گے کیونکہ وہاں کی مقامی تنظیموں کو تیاریوں کا کہہ دیا گیا ہے۔

ذرائع نے بتایا کہ مولانا فضل الرحمان ڈیرہ اسماعیل خان سے خود الیکشن لڑیں گے یا اپنے بھائی اور بیٹے میں سے کسی کو الیکشن لڑائیں گے طے ہونا باقی ہے۔

بعدازاں ترجمان جے یو آئی اسلم غوری کا کہنا ہے کہ جے یو آئی پارلیمانی انتخابی بورڈ آج اپنے امیدواران کی ٹکٹوں کا فیصلہ کرے گا۔

اسلم غوری نے بتایا کہ جے یو آئی پارلیمانی انتخابی بورڈ نماز ظہر کے بعد جامع مسجد فاروق اعظم میں ہوگا جس کی صدارت جے یو آئی سربراہ مولانا فضل الرحمان کریں گے۔

ترجمان جے یو آئی کا کہنا تھا کہ اجلاس میں قومی و صوبائی اسمبلیوں کے امیدواروں کا حتمی فیصلہ کیا جائے گا اور صوبائی انتخابی بورڈز کی سفارشات پر غور وخوض ہوگا۔

اسلم غوری نے مزید کہا کہ اجلاس میں جے یو آئی کی مرکزی مجلس عاملہ کے دستوری اراکین شریک ہوں گے جبکہ اجلاس کے بعد امیدواروں کی حتمی فہرستیں جاری کر دی جائیں گی۔