پرتھ ٹیسٹ میں کیمروں نے سلمان علی آغا کی کلائیوں کو فوکس کیوں کیا، وجہ سامنے آ گئی

ویب ڈیسک

18th Dec, 2023. 11:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پرتھ ٹیسٹ میں کیمروں نے سلمان علی آغا کی کلائیوں کو فوکس کیوں کیا، وجہ سامنے آ گئی

پرتھ میں پاکستان اور آسٹریلیا کے مابین جاری ٹیسٹ میچ میں ٹی وی کیمروں نے اچانک سلمان علی آغا کی کلائیوں کو فوکس کر لیا۔

تفصیلات کے مطابق پرتھ ٹیسٹ میں ٹی وی کیمروں نے اچانک سلمان علی آغا کی کلائیوں کو فوکس کر لیا، جس کی وجہ سلمان علی آغا کا بریسلیٹ تھا جو انہوں نے ہاتھ میں پہن رکھا تھا۔

پرتھ سے موصول ہونے والی رپورٹس کے مطابق فیلڈ امپائر نے دو مرتبہ سلمان علی آغا کے ہاتھوں کو چیک کیا اس دوران کیمرے نے بھی انہیں فوکس کیا۔

آسٹریلوی کھلاڑی کے آؤٹ ہونے کے بعد جب پاکستانی کھلاڑی جشن منا رہے تھے اس وقت امپائر نے سلمان علی آغا کو بلوا کر ان کے ہاتھوں کا جائزہ لیا، اس دوران کپتان شان مسعود بھی وہاں پہنچ گئے۔

فوٹیج میں دیکھا جا سکتا ہے کہ سلمان علی آغا امپائر کو اپنے ہاتھ پر بندھا بریسلیٹ بھی دکھا رہے ہیں۔

پاکستانی آل راؤنڈر نے آسٹریلوی بیٹر ڈیوڈ وارنر کو بھی اپنے ہاتھ دکھائے اور ساتھ میں بریسلیٹ بھی دکھایا، جس کے بعد وہ مطمئن ہو کر چلے گئے۔

اس دوران ٹی وی پر موجود کمنٹیٹرز نے بھی اس پر تبصرہ کیا اور کہا کہ آل راؤنڈر کے ہاتھ میں بندھا بریسلیٹ تشویش کا باعث تھا جو دور ہو گئی ہے۔