سوشل میڈیا قوانین کی ممکنہ خلاف ورزی پر ایکس کے خلاف تحقیقات

ویب ڈیسک

18th Dec, 2023. 11:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سوشل میڈیا قوانین کی ممکنہ خلاف ورزی پر ایکس کے خلاف تحقیقات

یورپی کمیشن کا کہنا ہے کہ ایکس نے یورپی یونین ڈیجیٹل سروسز ایکٹ کے تحت مواد میں اعتدال کے قوانین کی خلاف ورزی کی ہے۔

کویتی خبر رساں ادارے کی خبر کے مطابق یورپی یونین اس قانون کے تحت اپنی پہلی تحقیقات میں ڈیجیٹل سروسز ایکٹ (ڈی ایس اے) کی مبینہ خلاف ورزیوں پر سوشل میڈیا کمپنی ایکس کے خلاف تحقیقات کر رہی ہے۔

یورپی کمشنر تھیری بریڈن نے معروف ارب پتی ایلون مسک کی کمپنی ایکس کے حوالے سے کہا کہ آج ہم ڈیجیٹل سروسز ایکٹ کے تحت ایکس کے خلاف باضابطہ خلاف ورزی کی کارروائی کا آغاز کر رہے ہیں۔

ترجمان جوہانس بحرکے نے برسلز میں ایک نیوز بریفنگ میں کہا کہ کمیشن اب ایکس کے نظام اور پالیسیوں کی تحقیقات کرے گا جو کچھ مشتبہ خلاف ورزیوں سے متعلق ہیں۔ یہ تحقیقات کے نتائج کا پیشگی اندازہ نہیں لگاتا ہے۔

تحقیقات میں اس بات کا جائزہ لیا جائے گا کہ آیا ایکس غیر قانونی مواد کے پھیلاؤ کو روکنے کے لئے کافی کام کرنے میں ناکام رہا ہے.

تحقیقات میں صارف انٹرفیس، ‘تصدیق شدہ’ اکاؤنٹس کے گمراہ کن استعمال اور محققین تک رسائی کی کمی کے مسائل پر بھی غور کیا جائے گا۔

ایلون مسک کی کمپنی ایکس کے ترجمان نے ایک بیان میں کہا کہ ایکس ڈیجیٹل سروسز ایکٹ کی تعمیل کے لئے پرعزم ہے، اور ریگولیٹری عمل کے ساتھ تعاون کر رہا ہے۔