منشا پاشا بالی ووڈ میں کام کرنے کی خواہشمند

ویب ڈیسک

20th Dec, 2023. 03:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

منشا پاشا بالی ووڈ میں کام کرنے کی خواہشمند

پاکستانی ڈرامہ انڈسٹری کی معروف اداکارہ منشا پاشا نے بھارتی فلم انڈسٹری میں قدم رکھنے کی خواہش کا اظہار کیا ہے۔

اپنی ورسٹائل پرفارمنس کے لیے جانی جانے والی منشا پاشا نے حال ہی میں اپنے ایک بیان میں اپنی خواہشات کا اظہار کیا اور بتایا کہ وہ بھارتی فلم انڈسٹری کے ساتھ کام کرنے میں گہری دلچسپی رکھتی ہیں۔

انہوں نے مزید کہا کہ اگر انہیں کبھی بھی بالی ووڈ میں کام کرنے کا موقع ملا تو وہ اداکار جے دیپ اہلاوت کے ساتھ کام کرنا پسند کریں گی۔

جے دیپ اہلاوت کے لیے اپنی پسندیدگی کا اظہار کرتے ہوئے اداکارہ نے اس بات پر زور دیا کہ ان کے ساتھ کام کرنا ایک خوش کن تجربہ ہوگا کیونکہ وہ ایک تجربہ کار اداکار ہیں اور ایک باصلاحیت اداکار ہی کسی پراجیکٹ کی کامیابی میں نمایاں کردار ادا کرتا ہے۔

خیال رہے کہ بھارتی اداکار جیدیپ اہلاوت نے گزشتہ کچھ سالوں میں ‘گینگز آف واسے پور’، ‘رئیس’، ‘راضی’، ‘بارڈ آف بلڈ’، اور حال ہی میں نیٹ فلکس پر تھرلر فلم ‘جانے جان’ میں اپنی بے مثال اداکاری سے اپنے لیے ایک جگہ بنائی ہے۔