الیکشن سے متعلق اختر مینگل کا بڑا فیصلہ

ویب ڈیسک

21st Dec, 2023. 12:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

الیکشن سے متعلق اختر مینگل کا بڑا فیصلہ

کوئٹہ: بلوچستان نیشنل پارٹی (بی این پی) کے سربراہ سردار اختر مینگل نے کوئٹہ سے الیکشن لڑنے کا فیصلہ کیا ہے۔

تفصیلات کے مطابق سردار اختر مینگل کی جانب سے ایڈوکیٹ راجا جواد نے این اے 264 سے کاغذات نامزدگی حاصل کیے۔

سردار اختر مینگل کوئٹہ سے قومی اسمبلی کی نشست پر انتخاب میں حصہ لیں گئے۔

چند روز قبل بلوچستان کے دو بڑے الیکٹیبلز ردار صالح بھوتانی اور جان محمد جمالی کی جانب سے پیپلزپارٹی میں شمولیت سے معذرت کی گئی تھی۔

بعدازاں 7 دسمبر کو بلوچستان کے تین بڑے الیکٹیبلز نے پاکستان پیپلز پارٹی میں شمولیت کا فیصلہ کیا تھا، ان الیکٹیبلز کا آئندہ دو روز میں شمولیت کا اعلان متوقع تھا۔

پی پی ذرائع نے بتایا تھا کہ الیکٹیبلز کا تعلق بلوچستان عوامی پارٹی اور پاکستان تحریک انصاف سے ہے، سابق وزیر اعلیٰ قدوس بزنجو بھی ان میں شامل ہیں جو پیپلز پارٹی میں شمولیت کا اعلان کرنے والے ہیں۔

واضح رہے کہ پاکستان پیپلز پارٹی نے سردار یار محمد رند، جان محمد جمالی، سردار صالح بھوتانی اور خالد لانگو کو بھی پارٹی میں شمولیت کی دعوت دی تھی، تاہم بلوچستان کے ان الیکٹیبلز نے پی پی کی دعوت پر غور کے لیے وقت مانگا تھا، ذرائع کا یہ بھی کہنا تھا کہ پیپلز پارٹی بلوچستان کے مزید الیکٹیبلز سے بھی رابطے کرے گی۔