حارث رؤف بغیر پیڈز پہنے بیٹنگ کرنے پہنچ گئے، اپنی حرکت پر خود بھی شرمندہ

ویب ڈیسک

23rd Dec, 2023. 12:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حارث رؤف بغیر پیڈز پہنے بیٹنگ کرنے پہنچ گئے، اپنی حرکت پر خود بھی شرمندہ

کرکٹ کے میدان میں کسی بلے باز کو آپ نے ہیلمٹ کے بغیر تو کھیلتے کبھی دیکھا ہوگا لیکن بغیر پیڈز کے بیٹنگ کرتے نہیں دیکھا ہوگا۔

تاہم ایسا ایک انوکھا واقعہ آسٹریلوی بگ بیش لیگ میں میلبرن اسٹارز اور سڈنی تھنڈرز کے درمیان البری میں جاری میچ کے دوران پیش آیا۔

میلبرن اسٹارز کی نمائندگی کرنے والے پاکستانی فاسٹ بولر حارث رؤف بغیر پیڈز پہنے بیٹنگ کرنے پہنچ گئے جس پر وہ خود بھی شرمندہ ہوئے۔

یہ غیر معمولی صورتحال ایسے پیدا ہوئی کہ اننگز کا آخری اوور جب شروع ہوا تو 6 کھلاڑی آؤٹ تھے لہٰذا حارث رؤف سمجھے کہ ان کے بیٹنگ کرنے کی نوبت نہیں آئے گی اور وہ پیشگی تیار نہیں ہوئے۔

لیکن غیر معمولی طور پر لگاتار تین وکٹیں گرجانے سے ایسی صورتحال پیدا ہوئی کہ حارث روف کو کریز پر جانا پڑا تاہم وہ ٹائم آؤٹ ہونے سے بچنے کے لیے بغیر حفاظتی کٹ پہنے ہی میدان میں چلے گئے۔

انہوں نے گلوز اور ہیلمٹ تو ساتھ لے لیا تاہم وہ پیڈز پہن کر نہیں گئے اور امپائر نے بھی انہیں اجازت دے دی کیونکہ وہ نان اسٹرائیکر اینڈ پر تھے اور اننگز کی آخری بال تھی۔

No gloves, pads or helmet on 🤣
Haris Rauf was caught by surprise at the end of the Stars innings!@KFCAustralia #BucketMoment #BBL13 pic.twitter.com/ZR9DeP8YhW
— KFC Big Bash League (@BBL) December 23, 2023