بھارت کے دارالحکومت نیو دہلی میں سردی کے باعث پڑنے والی شدید دُھند کے باعث متعدد پروازوں تاخیر کا شکار ہو گئی ہیں۔

خلیجی میڈیا کے مطابق دہلی کے اندرا گاندھی بین الاقوامی ہوائی اڈے پر آج صبح سے پڑنے والی دھند کی موٹی تہہ کی وجہ سے فلائٹ آپریشن بری طرح متاثر ہوا، دھند کی وجہ سے وجہ سے حد نگاہ متاثر ہوئی۔

اس سے قبل قومی موسمیاتی پیش گوئی کرنے والی ایجنسی نے کہا تھا کہ پورے شمالی ہندوستان میں کم سے کم درجہ حرارت میں 2-3 ڈگری سیلسیس اضافے کا امکان ہے۔

دہلی ہوائی اڈے کے فلائٹ انفارمیشن ڈسپلے سسٹم کے مطابق آج ہوائی اڈے سے آنے اور جانے والی کل 11 بین الاقوامی پروازیں اور 5 گھریلو پروازیں تاخیر کا شکار ہوئیں۔

تاہم بھارت کے دارالحکومت میں دھند کی وجہ سے ٹرینوں کی تاخیر کے سلسلے میں وزارت ریلوے کی جانب سے ابھی تک کوئی باضابطہ تصدیق نہیں کی گئی ہے۔

محکمہ موسمیات کے مطابق پالم میں کم سے کم درجہ حرارت 14 ڈگری سینٹی گریڈ ریکارڈ کیا گیا جبکہ صفدرجنگ میں 12.2 ڈگری سینٹی گریڈ ریکارڈ کیا گیا۔

سخت سردی کے باوجود کئی لوگوں کو ایمس میں نائٹ شیلٹر میں پناہ لیتے ہوئے بھی دیکھا گیا۔

اسی طرح کے مناظر دوسری جگہوں پر بھی دیکھنے کو ملے، جہاں لودھی روڈ کے علاقے میں رات کی پناہ گاہوں میں مقامی افراد بھاری کمبل اور رضائیوں کے اندر محصور ہو کر رہے گئے ہیں۔