ناراض بلوچوں کے کمانڈر سرفراز بنگلزئی کی قومی دھارے میں شمولیت خوش آئند ہے، جان اچکزئی

ویب ڈیسک

24th Dec, 2023. 03:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ناراض بلوچوں کے کمانڈر سرفراز بنگلزئی کی قومی دھارے میں شمولیت خوش آئند ہے، جان اچکزئی

نگران صوبائی وزیر اطلاعات جان اچکزئی نے کہا ہے کہ ناراض بلوچوں کے کمانڈر سرفراز بنگلزئی کی قومی دھارے میں شمولیت خوش آئند ہے۔

تفصیلات کے مطابق جان اچکزئی نے پریس کانفرنس کرتے ہوئے کہا کہ اسلام آباد مارچ کرنیوالوں کا مقصد اپنے سہولتکاروں کے زریعے تماشہ لگانا تھا، مارچ کی سرخیل غفار لانگو کی بیٹی ہے، مارچ کا مقصد دہشتگردوں کو کھلی چھٹی دینا ہے، لاکھوں کی تعداد میں غیر بلوچوں کو بلوچستان سے نکالا گیا، بلوچستان میں شناختی کارڈ دیکھ کر پنجانی پشتونوں اور سندھیوں کو مارا گیا، مسنگ پرسنز بی ایل اے کے دہشتگرد ہیں، دہشتگرد خواتین کو استعمال کر رہے ہیں، ہر بلوچ اتنا ہی محب وطن ہے جتنا دیگر پاکستانی ہیں۔

جان اچکزئی نے کہا کہ بلوچ یکجہتی کمیٹی کے مطالبات پر تحقیقات کر رہے ہیں، کمیٹی کے مطالبات کسی کے سمجھ میں نہیں آرہے، تربت میں ایک سال کے دوران 150 دہشتگردی کے واقعات ہوئے، بلوچ مظاہرین اپنے ایجنڈے میں کامیاب نہیں ہونگے، مظلومیت کا بیانہ کسی صورت کامیاب نہیں ہو گا۔