چین نے دہشت گردی کے حوالے سے بھارت کی دوغلی پالیسیوں کی مخالفت کرتے ہوئے برہمی کا اظہار کیا ہے۔

پاکستان کے خطے بلوچستان میں بھارت کی دہشت گرد سرگرمیوں پر چین نے تشویش کا اظہار کیا ہے جب کہ چین نے بلوچستان میں بھارتی دہشت گردی کی شدید الفاظ میں مذمت کی ہے۔

27 دسمبر کو دورانِ پریس کانفرنس چینی وزارت خارجہ کی ترجمان ماؤ ننگ نے بلوچستان میں بھارتی دہشت گردانہ سرگرمیوں پر اظہار خیال کرتے ہوئے کہا ’’دہشت گردی انسانیت کی مشترکہ دشمن ہے اور چین دہشت گردی کے خلاف دوہرے معیار کی سختی سے مخالفت کرتا ہے‘‘

چینی وزارت خارجہ کی ترجمان ماؤ ننگ کہتی ہیں ’’کسی بھی ملک کا دہشت گرد گروہوں کی حمایت اور ان کا استعمال انہیں بین الاقوامی اور علاقائی سلامتی کے مفادات کی قیمت پر اٹھانا پڑتا ہے‘‘

انہوں نے کہا ’’دہشت گرد گروہوں کی سرپرستی پر شدید جوابی کارروائی کی جائے گی اور چین دہشت گردی کی تمام صورتوں سے مشترکہ طور پر لڑنے کے لیے تمام ممالک کے درمیان انسداد دہشت گردی کے تعاون کو مضبوط بنانے کا خواہاں ہے”

ان کا کہنا تھا ’’غیر ملکی سرزمین پر دہشت گرد کاروائیوں میں بھارتی حکومت اور را ملوث ہونے کی گواہی کینیڈا اور امریکی حکام سمیت خود دہشت گردوں نے بھی دی ہے۔

انہوں نے مزید کہا ’’بھارت خفیہ طور پر بلوچستان میں دہشت گردی کی کارروائیوں کی حمایت کررہا ہے‘‘۔

واضح رہے کہ بلوچستان کی علیحدگی پسند قوتوں کو بھارت کی مکمل مالی معاونت حاصل ہے جس کا اظہار قومی دھارے میں واپس آنے والے بلوچوں کی جانب سے بھی کیا گیا ہے جب کہ بھارت کی دہشت گردوں کی سرپرستی اور حمایت بلوچستان میں بڑھتی ہوئی دہشت گرد کارروائیوں کی بڑی وجہ ہے۔