مراد سعید کے کاغذات نامزدگی قومی اسمبلی کے دو حلقوں سے مسترد

ویب ڈیسک

29th Dec, 2023. 07:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مراد سعید کے کاغذات نامزدگی قومی اسمبلی کے دو حلقوں سے مسترد

سابق وفاقی وزیر اور پی ٹی آئی رہنما مراد سعید کے کاغذات نامزدگی قومی اسمبلی کے دو حلقوں سے مسترد ہوگئے ہیں۔

تفصیلات کے مطابق پاکستان تحریک انصاف کے رہنما اور سابق رکن قومی اسمبلی مراد سعید نے قومی اسمبلی کے حلقہ این اے 2 اور این اے 4 سے کاغذات نامزدگی جمع کروائے تھے جو مسترد ہوگئے ہیں۔

سابق وفاقی وزیر مراد سعید کی جانب سے ان کے وکلاء نے قومی اسمبلی کے دونوں حلقوں سے ان کے کاغذات نامزدگی جمع کرائے تھے۔

ذرائع کے مطابق پی ٹی آئی رہنما مراد سعید کے کاغذات نامزدگی پر اعتراضات کیے گئے ہیں کہ وہ اشتہاری ہیں اور متعدد مقدمات میں مطلوب ہیں لہذا دونوں حلقوں سے مراد سعید کےکاغذات نامزدگی مسترد کردیے گئے ہیں۔

خیال رہے کہ چند روز قبل انسداد دہشت گردی عدالت میں پیش نہ ہونے پر پولیس کی دخواست پر نادرا نے تحریک انصاف کے رہنما مراد سعید، اعظم سواتی اور حماد اظہر سمیت 9 مئی کے واقعات میں ملوث 18 اشتہاریوں کے شناختی کارڈ بلاک کردیے تھے۔