نیویارک میں ٹریفک کے دو الگ الگ حادثوں میں پانچ افراد ہلاک اور آٹھ زخمی ہوگئے ہیں۔

غیر ملکی خبر رساں ادارے کے مطابق مزداکار بروکلین برج پر ایک گاڑی دوسری گاڑی سے ٹکرا گئی جس کے نتیجے میں کار میں سوار پانچ افراد موقع پر ہی ہلاک اور ایک شخص زخمی ہوگیا۔

پولیس کے مطابق حادثے کی وجہ معلوم کرنے کی کوشش کی جارہی ہے جب کہ کچھ تفصیلات جاری بھی کردی گئیں ہیں۔

پولیس کا کہنا ہے کہ یہ واقعہ صبح 6 بجے کے قریب پیش آیا جب کہ گاڑی کراس آئی لینڈ پارک وے پر شمال کی جانب گامزن تھی۔

پولیس نے بتایا ’’جب ایمرجنسی کے اہلکار جائے وقوعہ پر پہچنے تو گاڑی الٹی پڑی تھی اور اس میں سوار پانچوں مسافر مردہ حالت میں موجود تھے‘‘۔

دوسرا حادثہ مین ہیٹن کے مڈٹاؤن علاقے میں پیش آیا، جہاں فٹ پاتھ پر گاڑی چڑھنے اور فوڈ ٹرک سے ٹکرانے کی وجہ سے ایک خاتون فوڈ ٹرک کے نیچے پھنس گئی۔

رپورٹ کے مطابق تقریباً 1:30 بجے کے قریب 44 سالہ موٹر سائیکل سوار حکام سے بچنے کی کوشش میں فوڈ ٹرک میں جا گھنسا تھا۔

رپورٹ میں کہا گیا ہے کہ اس حادثے میں خاتون سمیت 10 افراد زخمی ہوگئے ہیں جن میں 6 افراد کو اسپتال منتقل کیا گیا ہے اور ان کی حالت مستحکم بتائی جارہی ہے۔

پولیس کا کہنا ہے کہ ڈرائیور کو بھی اسپتال منتقل کیا گیا ہے، جہاں اس کی حالت مستحکم بتائی جارہی ہے۔