پاکستان کے معروف اداکار ہمایوں سعید اور عدنان صدیقی نے خود کو قرنطینہ کرنے کا اعلان کردیا ہے۔

تفصیلات کے مطابق یاد رہے کہ ہمایوں سعید سمیت حرا مانی اور عدنان صدیقی امریکا کے دورے سے واپس آئے ہیں جس کے تناظر میں ایک صارف نے ان سے ٹوئٹر پر سوال کر لیا ہے۔

@iamhumayunsaeed London kiya…Kaheein Bhi Nahe Jaoonga .

— vasay chaudhry (@vasaych) March 18, 2020

اداکار ہمایوں سعید نے سماجی رابطے کی ویب سائٹ ٹوئٹر پر ایک صارف واسع چوہدری کے کیے جانے والے سوال کا جواب دے دیا۔

واسع چوہدری نے ہمایوں سعید سے مزاحیہ انداز اپناتے ہوئے کہا کہ لندن کیا، کہیں بھی نہیں جاؤں گا۔

واسع چوہدری کے اس ٹوئٹ کا جواب دیتے ہوئے ہمایوں سعید نے بتایا کہ وہ ابھی کراچی ایئرپورٹ پر پہنچے ہیں لیکن وہ گھر نہیں جائیں گے۔

ہمایوں سعید تعلیم جیسے بنیادی حق سے محروم لڑکیوں کی آواز بن گئے

اداکار نے مزید کہا کہ بلکہ وہ اور عدنان صدیقی کچھ دن کے لیے ایک کمرے میں خود کو بند کررہے ہیں۔

 ہمایو سعید نے ٹوئٹ کے اختتام پر کہا کہ اللہ ہم سب کو اپنے حفظ و امان میں رکھے۔

یاد رہے کہ دنیا بھر میں مہلک کورونا وائرس سے ہلاک ہونے والے افراد کی تعداد 8 ہزار سے تجاوز کرگئی ہے  جبکہ متاثرہ افراد کی تعداد بھی 2 لاکھ سے زائد ہوگئی ہے۔

واضح رہے کہ کورونا وائرس دنی ابھر میں بہت تیزی سے پھیلتا جا رہا ہے جس سے بہت سے زندگیوں کے نقصان کے ساتھ ساتھ معاشی نقصان کا بھی سامنا پوری دنیا کو کرنا پڑ رہا ہے۔