انتخابات سے قبل پاکستان تحریک انصاف (پی ٹی آئی) کو ایک اور بڑا دھچکا لگ گیا ہے۔

تفصیلات کے مطابق عام انتخابات کیلئے پاکستان تحریک انصاف کے 1 ہزار 996 امیدواروں کے کاغذات نامزدگی منظور جبکہ 625 مسترد ہوئے۔

دستاویز کے مطابق پی ٹی آئی نے قومی اور صوبائی اسمبلیوں کیلئے 2 ہزار 620 کاغذات جمع کرائے جن میں سے 1 ہزار 996 کاغذات نامزدگی منظور ہوئے جبکہ جبکہ 625 امیدواروں کے کاغذات مسترد ہوگئے۔

قومی اسمبلی کی نشستوں پر پی ٹی آئی کے امیدواروں نے 843  کاغذات نامزدگی جمع کرائے، جن میں سے 598 کاغذات نامزدگی منظور جبکہ 245 مسترد ہوئے۔

صوبائی اسمبلیوں کی نشستوں پر پی ٹی آئی نے 1 ہزار 777 کاغذات نامزدگی جمع کرائے جن میں سے ایک ہزار 398 کاغذات نامزدگی منظور جبکہ چاروں صوبائی اسمبلیوں سے 379 کاغذات نامزدگی مسترد ہوئے۔

 پنجاب اسمبلی کی نشستوں پر تحریک انصاف نے 769 کاغذات جمع کرائے،جن میں سے 601 امیدواروں کےکاغذات نامزدگی منظور، جبکہ168مستردہوئے ۔

اسی طرح سندھ اسمبلی کیلئے پی ٹی آئی کے 424 امیدواروں کی جانب سے کاغذات نامزدگی جمع کرائے گئے جن میں سے 346 کاغذات نامزدگی منظور جبکہ 77 مسترد ہوئے۔

خیبرپختونخوا اسمبلی کیلئے 495  پی ٹی آئی امیدواروں نے کاغذات نامزدگی جمع کرائے، جن میں سے 414 کے کاغذات نامزدگی منظور جبکہ81 کے مستر دہوئے۔

بلوچستان اسمبلی کیلئے پی ٹی آئی کے 90 امیدواروں نے کاغذات نامزدگی جمع کرائے جن میں سے37  کے کاغذات منظور جبکہ 53 مسترد ہوئے۔