اسپین کے بزنس مین کی نگران وزیر اعظم سے ملاقات
اسپین کے معروف بزنس مین چوہدری امانت حسین مہر نے نگران وزیر اعظم انور الحق کاکڑ سے ملاقات کی ہے۔
تفصیلات کے مطابق پاکستان کے دورے پر آئے اسپین کے معروف پاکستانی بزنس مین چوہدری امانت حسین مہر نے اسلام آباد پی ایم ہاؤس میں نگران وزیر اعظم انور الحق کاکڑ سے ملاقات کی۔
ملاقات میں چوہدری امانت حسین مہر نے انوار الحق کاکڑ کی جانب سے بین الاقوامی سطح پر پاکستان کی زبردست نمائندگی کرنے پر تعریف کرتے ہوئے کہا کہ نگران وزیر اعظم نے ملکی پالیسیوں کا بھرپور دفاع کیا۔
انہوں نے کہا کہ ملکی معیشت میں بہتری کے ثمرات بھی حکومتی پالیسیوں کے باعث سامنے آئے۔ ملاقات میں چوہدری امانت حسین مہر نے نگران وزیر اعظم انوار الحق کاکڑ سے دوہری شہریت کے حامل پاکستانیوں، ملک میں سرمایہ کاری کے خواہش مند اوور سیز پاکستانیوں کو درپیش مسائل اور ان کے حل پر گفتگو کی۔
چوہدری امانت حسین مہر کا کہنا تھا کہ ملکی ترقی میں اوور سیز پاکستانیوں کا کردار ہمیشہ قابل تعریف رہا، حکومت بیرون ممالک میں مقیم پاکستانیوں کو سرمایہ کاری کرنے کے لیے مزید سہولیات فراہم کرے۔
Advertisement
ملاقات میں چوہدری امانت حسین مہر نے نگران وزیر اعظم انور الحق کاکڑ کو دورہ اسپین اور یورپ کی دعوت بھی دی۔
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
