چیئرمین پاکستان پیپلز پارٹی بلاول بھٹو زرداری نے کہا ہے کہ اقوام متحدہ ہی چاہے کیوں نہ قرارداد منظور کر لے، انتخاباب 8 فروری کو ہی ہوں گے۔

تفصیلات کے مطابق چیئرمین پاکستان پیپلز پارٹی بلاول بھٹو نے این اے 127 میں مختلف علاقوں کے دورے کے بعد میڈیا سے گفتگو کرتے ہوئے کہا کہ ہم کئی روز سے لاہور میں جھوم رہے ہے، اس صوبے میں تین سال انہوں نے حکومت کی جو کہتے تھے سونے کی سڑکیں بنائیں، آج میں اسی سڑکوں پر گھوما تو پتا چلا جتنا کام یہاں کرنے کی ضرورت ہے پاکستان میں کہیں اور نہیں۔

بلاول بھٹو نے کہا کہ ہمارا دس نکاتی معاشی پلان سب کے سامنے ہے، قرارداد تو چاہیں اقوام متحدہ سے بھی پاس کروا دیں مگر الیکشن تو آٹھ فروری کو ہی ہوں گے، پیپلز پارٹی نے جب بھی الیکشن میں حصہ لیا مشکلات کا سامنا کرنا پڑا، ہمارا اس وقت فوکس الیکشن پر ہے اور عوام ہمارا ساتھ دیں گے۔

ان کا کہنا تھا کہ اسی شہر میں پیپلز پارٹی کی بنیاد رکھی گئی، پیپلز پارٹی کی قیادت کو قتل کر کے اس کو کمزور کرنے کی کوشش کی گئی، پی ٹی آئی اور ن لیگ اس لئے الیکشن میں حصہ لے رہے ہیں تاکہ ان کے لیڈر جیل سے بچ جائیں۔

انہوں نے کہا کہ سینیٹ میں الیکشن ملتوی ہونے کی قرارداد سینیٹ کا مسئلہ ہے، قاضی فائز عیسیٰ کے الیکشن کرنے کے فیصلے پر مکمل اعتماد ہے، سینیٹ میں قرارداد منظور ہونے سے الیکشن ملتوی نہیں ہوں گے۔