غیرقانونی افغانیوں کی واپسی جاری؛ مزید 944 افراد اپنے وطن چلے گئے

ویب ڈیسک

11th Jan, 2024. 09:50 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

غیرقانونی افغانیوں کی واپسی جاری؛ مزید 944 افراد اپنے وطن چلے گئے

اسلام آباد: پاکستان کے مختلف شہروں میں غیر قانونی طور پر مقیم افغان باشندوں کی وطن واپسی کا سلسلہ بدستور جاری ہے۔

سرکاری اعداد وشمار کے مطابق 10 جنوری کو مزید 944 غیر قانونی افغان باشندے اپنے ملک چلے گئے، واپس جانے والوں میں 189 مرد، 167 خواتین اور 588 بچے شامل ہیں۔

گزشتہ روز افغانستان روانگی کے لئے 45 گاڑیوں میں 84 خاندانوں کی اپنے وطن واپسی عملمیں لائی گئی ہے۔

وفاقی حکومت کے اعلان سے قبل بھی غیر قانونی افغان باشندوں کی کثیر تعداد گرفتاری کے ڈر سے پاکستان سے واپس افغانستان جاتی رہی تاہم سرکاری اعداد وشمار کے مطابق 10 جنوری تک مجموعی طور پر 4 لاکھ 64 ہزار 656 افغان باشندے اپنے ملک جا چکے ہیں۔

واضح رہے کہ کراچی سمیت دیگر شہروں میں غیر قانونی طور پر مقیم افراد کی بڑی تعداد موجود تھی جن کی وجہ سے اسمگلنگ اور بھتہ خوری بہت عام تھی، تاہم قابل اطمینان امر یہ ہے کہ حکومت پاکستان اور عسکری قیادت کی مشترکہ کاوشوں سے ملک سے غیر قانونی افراد کا انخلاء جاری ہے۔