انٹرنیشنل لیگ ٹی ٹوئنٹی میں محمد عامر نے ڈیزرٹ وائپرز کی ٹیم کو جوائن کرلیا۔

ڈیزرٹ وائپرز نے انٹرنیشنل لیگ ٹی ٹوئنٹی کے آئندہ ایڈیشن کے لیے پاکستان کے سابق فاسٹ بولر محمد عامر کو اپنی ٹیم میں شامل کرنے کا اعلان کردیا ہے۔

محمد عامر جلد شاہین آفریدی، شاداب خان اور اعظم خان سمیت دیگر پاکستان کھلاڑیوں کے ساتھ ٹیم کو جوائن کریں گے۔

اس خبر کی باضابطہ طور پر تصدیق ٹیم کی جانب سے سوشل میڈیا سائٹ ایکس پر بھی کردی گئی ہے۔

ڈیزرٹ وائپرز نے اپنی پوسٹ میں لکھا ’’جب محمد عامر کھیلیں گے تو دنیا محض ایک اسٹیج ہوگی، وہ سرخ رنگ میں بلے بازوں کو خوفزدہ کردیں گے، ہوشیار رہیں‘‘۔

Advertisement

Mohammad Amir – when he plays, the world's a mere stage 😌

He will don the red and make the batters dread. Be watchful ❤️#DesertVipers #FangsOut #MohammadAmir @iamamirofficial pic.twitter.com/19MSPU3B1J

— Desert Vipers (@TheDesertVipers) January 12, 2024

یاد رہے کہ سابق فاسٹ بولر تینوں فارمیٹس میں قومی ٹیم کی نمائندگی کرچکے ہیں اور ٹی ٹوئنٹی فارمیٹ میں ان کی کامیابی کسی سے دھکی چھپی نہیں۔

انہوں نے پاکستان کی جانب سے کھیلتے ہوئے 147 میچز میں 259 وکٹیں حاصل کی ہیں جب کہ پاکستان کی جانب سے انہوں نے اپنا آخری میچ انگلینڈ کے خلاف 30 اگست 2020 کو کھیلا تھا۔