جمعیت علمائے اسلام نے ضلع پشاور کے لئے قومی اور صوبائی امیدوار فائنل کر لئے

ویب ڈیسک

13th Jan, 2024. 12:20 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جمعیت علمائے اسلام نے ضلع پشاور کے لئے قومی اور صوبائی امیدوار فائنل کر لئے

جمعیت علمائے اسلام نے فروری میں ہونے والے عام انتخابات کے لیے ضلع پشاور سے قومی اور صوبائی امیدوار فائنل کر لیے ہیں۔

تفصیلات کے مطابق جمعیت علمائے اسلام نے ضلع پشاور میں قومی اور صوبائی امیدوار فائنل کرتے ہوئے این اے 28 کے لئے نور عالم خان،این اے 29 پر اخونزادہ عرفان اللہ کو ٹکٹ جاری کر دیا ہے۔

این اے 30 پر ناصر خان موسیٰ زئی این اے 31 پر مولانا سعید اللہ اور این اے 32 پر مولانا حسین مدنی جمعیت علمائے اسلام کے امیدوار ہوں گے۔

صوبائی اسمبلی کے حلقہ پی کے 72 پر عزن خان، پی کے 73 پر مولانا عبد الحسیب جبکہ پی کے 74 پر اعجاز خان کو جے یو آئی نے ٹکٹ جاری کیا ہے۔

پی کے 75 پر شہریار خان، پی کے 76 پر نیاز محمد جبکہ پی کے 77 پر حاجی صفت اللہ جمعیت علمائے اسلام کے ٹکٹ پر عام انتخابات میں حصہ لیں گے۔

پی کے 78 پر ظاہر شاہ، پی کے 79 پر مولانا عطاء الحق درویش اور پی کے 80 پر مولانا امان اللہ حقانی جمعیت علمائے اسلام کے امیدوار ہوں گے۔

جمعیت علمائے اسلام نے پی کے 81 پرارباب فاروق، پی کے 82 پر صدیق الرحمن پراچہ، پی کے 83 پر حاجی محمد عمر اور پی کے 84 پر ملک نوشاد خان کا ٹکٹ جاری کر دیا ہے۔