کینیڈا کے ٹورنٹو ایئرپورٹ پر ایک شخص نے اڑان بھرنے سے قبل طیارے سے اچانک چھلانگ لگالی جس کی ویڈیو سوشل میڈیا پر وائرل ہوگئی۔

غیر ملکی میڈیا رپورٹ کے مطابق دبئی کے لیے اڑان بھرنے کے لیے تیار طیارے سے مسافر نے نامعلوم سبب کی وجہ سے چھلانگ لگائی جس کی وجہ سے طیارہ 6 گھنٹے تک تاخیر کا شکار ہوا۔

Horrific : An Air Canada Passenger on flight from Toronto to Dubai opens cabin door before departure, plummets to Apron at Toronto Pearson International Airport sustaining injuries !

Air Canada is investigating the shocking mishap.#airport pic.twitter.com/OfGNhtFPy0

Advertisement

— FL360aero (@fl360aero) January 10, 2024

رپورٹ میں بتایا گیا کہ طیارہ اڑان بھرنے کے لیے بلکل تیار تھا اور اسے طیارے پر مسافروں کے چڑھنے والی سیڑھیوں سے الگ کردیا گیا تھا لیکن کچھ ہی دیر میں مسافر نے اچانک طیارے کا دروازہ کھول کر وہاں سے چھلانگ لگالی۔

ایئرلائن کے مطابق مسافر طیارے کے اوپر سے نیچے آگر اور اسے شدید چوٹیں لگیں، تاہم اسے بروقت امدادی کارروائی کے لیے ہسپتال منتقل کردیا گیا اور مسافر کی صحت بہتر ہے۔

مسافر طیارے کی 20 فٹ اونچائی سے نیچے فرش پر آگرا اور فوری طور پر اس کی جانب سے چھلانگ لگانے کا سبب بھی معلوم نہیں ہوسکا۔

واقعے کے بعد پولیس، ایوی ایشن ٹیم اور دوسرے ریسکیو اہلکاروں نے 6 گھنٹے تک طیارے کی تلاشی لی اور سیفٹی سے متعلق تمام تر تفتیش کی جس کے بعد ہی رات دیر گئے طیارے کو اڑان بھرنے کی اجازت دی گئی۔