آسٹریلیا کے ٹیسٹ کرکٹر شان مارش نے پروفیشنل کرکٹ سے ریٹائرمنٹ کا اعلان کر دیا ہے۔
تفصیلات کے مطابق شان مارش نے پروفیشنل کرکٹ سے ریٹائرمنٹ کا اعلان کر دیا ہے اور بی بی ایل سیزن کا آخری میچ سڈنی تھنڈر بمقابلہ میلبورن رینیگیڈز ان کے کیرئیر کا آخری میچ ہوگا۔
40 سالہ مارش اپنے ساتھی ایرون فنچ کے بعد رخصتی لے رہے ہیں، انہوں نے گزشتہ سیزن کے اختتام پر ویسٹرن آسٹریلیا کے ساتھ فرسٹ کلاس کرکٹ کا اختتام کیا۔
انجری کی وجہ سے بی بی ایل کے تاخیر سے آغاز کے بعد مارش کی فارم متاثر کن رہی ہے جس میں انہوں نے 45.25 کی اوسط اور 138.16 کے اسٹرائیک ریٹ سے 181 رنز بنائے ہیں۔
اب تک صرف پانچ میچ کھیلنے کے باوجود وہ رینیگیڈز کی چھ نصف سنچریوں میں سے تین سنچریاں بنا سکے، جن میں 49 گیندوں پر ناقابل شکست 64 رنز بھی شامل ہیں۔
Advertisement
مارش نے کہا کہ مجھے رینیگیڈز کی جانب سے کھیلنا بہت پسند ہے، میں نے گزشتہ پانچ سالوں میں کچھ عظیم لوگوں سے ملاقات کی ہے اور میں نے جو دوستی کی ہے وہ زندگی بھر قائم رہے گی۔
شان مارش نے آسٹریلیا کی جانب سے 38 ٹیسٹ میچز، 73 ون ڈے میچز اور 15 ٹی ٹوئنٹی میچز میں نمائندگی کی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
