بھارت میں کورونا وائرس بے قابو ہونے لگا ہے نئے ویرئنٹ کے 375 کیسز درج ہوئے جبکہ دو افراد کی ہلاکت کی خبر ہے۔

خلیجی میڈیا کے مابق بھارتی وزارت صحت کے اعداد و شمار کے مطابق، کرناٹک میں 24 گھنٹوں کے دوران دو اموات کی اطلاع ملی ہے، جبکہ کورونا کے نئے 375 کیسز درج کئے گئے ہیں۔

بھارت میں کورونا وائرس کے 375 نئے معاملے درج کئے گئے ہیں ، جبکہ فعال انفیکشن کی تعداد گھٹ کر 3،075 ہوگئی ہے۔

بھارتی محکمہ صحت کی وزارت کی جانب سے صبح 8 بجے اپ ڈیٹ کیے گئے اعداد و شمار کے مطابق گزشتہ 24 گھنٹوں کے دوران کرناٹک میں دو افراد کی موت ہوئی ہے۔

5 دسمبر تک یومیہ کیسز کی تعداد دو ہندسوں تک گر گئی تھی ، لیکن ایک نئی قسم اور سرد موسم کے حالات کے سامنے آنے کے بعد کیسز میں اضافہ ہونا شروع ہوا۔

سرکاری ذرائع نے بتایا کہ 5 دسمبر کے بعد 31 دسمبر 2023 کو ایک دن میں سب سے زیادہ 841 نئے کیسز سامنے آئے جو مئی 2021 میں رپورٹ ہونے والے پیک کیسز کا 0.2 فیصد ہے۔

کل فعال معاملوں میں سے ان میں سے ایک بڑی اکثریت (تقریبا 92 فیصد) گھروں میں آئسولیشن میں صحت یاب ہو رہے ہیں۔

سرکاری ذرائع نے کہا کہ فی الحال دستیاب اعداد و شمار سے پتہ چلتا ہے کہ جے این.1 ویرینٹ نہ تو نئے معاملات میں تیزی سے اضافے کا سبب بن رہا ہے اور نہ ہی اسپتال میں داخل ہونے اور اموات میں اضافہ ہو رہا ہے۔

بھارت میں ماضی میں کووڈ 19 کی تین لہریں دیکھی گئی ہیں اور اپریل-جون 2021 کے دوران ڈیلٹا لہر کے دوران روزانہ نئے کیسز اور اموات کے سب سے زیادہ واقعات رپورٹ ہوئے ہیں۔

7 مئی 2021 کو اپنے عروج پر 414،188 نئے کیسز اور 3،915 اموات رپورٹ ہوئیں۔

2020 کے اوائل میں وبائی مرض شروع ہونے کے بعد سے، ملک بھر میں تقریبا چار سالوں میں 4.5 کروڑ سے زیادہ لوگ متاثر ہوئے ہیں اور 5.3 لاکھ سے زیادہ اموات ہوئی ہیں۔

وزارت کی ویب سائٹ کے مطابق اس بیماری سے صحت یاب ہونے والے افراد کی تعداد 4.4 کروڑ سے زیادہ ہے اور صحت یابی کی قومی شرح 98.81 فیصد ہے۔

ویب سائٹ کے مطابق ملک میں اب تک کووڈ ویکسین کی 220.67 کروڑ خوراکیں دی جا چکی ہیں۔