بالی ووڈ کی معروف اداکارہ کنگنا رناوت نے اپنے متعلق گردش کرنے والی افواہوں پر خاموشی توڑتے ہوئے ایک طویل پوسٹ جاری کی ہے۔

حال ہی میں سوشل میڈیا پر اداکارہ کی  کچھ تصاویر سوشل میڈیا پر کافی وائرل ہوتی نظر آئیں تھیں جس میں انہیں ایک نامعلوم فرد کے ساتھ دیکھا گیا تھا۔

ان تصاویر کی بنیاد یہ افواہیں گردش میں آئیں تھیں کہ  وہ کسی کو ڈیٹ کر رہی ہیں تاہم اداکارہ نے ان افواہوں  پر ردعمل ظاہر کرتے ہوئے شدید برہمی کا اظہار کیا ہے۔

کنگنا رناوت نے اپنے پوسٹ میں واضح کیا کہ وہ کسی کو ڈیٹ نہیں کر رہی ہیں بلکہ تصاویر میں  ان کے ساتھ موجود شخص ایک ہیئر اسٹائلسٹ ہے اور وہ ان کے ساتھ کافی عرصے سے کام کر رہی ہیں۔

اداکارہ نے مزید کہا کہ انہیں افواہوں کے بارے میں متعدد کالز موصول ہو رہی ہیں جس کے بعد انہوں نے وضاحت جاری کرنے کا فیصلہ کیا۔

اداکارہ نے برہمی کا اظہار کرتے ہوئے کہا کہ اگر کوئی خاتون اور مرد ساتھ گھوم رہے ہیں تو اس کا ہرگز یہ مطلب نہیں کہ اُن دونوں کے درمیان رومانوی تعلقات ہیں، خاتون کے ساتھ نظر آنے والا مرد اُس کا کزن، رشہ دار، بھائی، دوست یا ہیئر اسٹائلسٹ بھی ہوسکتا ہے۔

خیال رہے کہ اداکارہ کی ڈیٹنگ کی افواہیں اس وقت پھیلی جب اسے جمعہ کی شام ہیئر اسٹائلسٹ کے ساتھ دونوں کو ہاتھ پکڑے دیکھا گیا تھا ور یہ تصویر اب سوشل میڈیا پر وائرل ہوگئی ہے۔