پاکستان فلم انڈسٹری کی سپراسٹار ریما خان نے بالی وڈ میں کام نہ کرنے کی وجہ بتادی ہے۔

 نوے کی دہائی میں ریماخان نے نامور فلمساز جاوید فاضل کی فلم ’ بلندی‘ میں مرکزی کردار سے اپنا کامیاب ڈیبیو کیا اور پھر وہ لالی ووڈ کی صف اول کی اداکاراؤں میں سے ایک بن کر ابھریں۔

سابق اداکارہ، رقاصہ اور میزبان ریما خان نے حال ہی میں ایک نجی پاکستانی ٹی وی چینل کے پروگرام میں شرکت کی اور مختلف مو ضوعات پر کھل کر اظہار خیال کیا۔

اس شو کے میزبان اور نامور اداکار عمران اشرف نے ریما خان سے سوال کیا کہ بالی وڈ سے آفرز آتی ہیں؟ اگر آتی ہیں تو بالی ووڈ میں کام کیوں نہیں کیا؟

Advertisement

 

Advertisement

Advertisement

View this post on Instagram

Advertisement

Advertisement

Advertisement

 

Advertisement

A post shared by Reema khan (@iamreemakhan)

فلم اسٹار نے بتایا کہ بالی ووڈ سے کئی آفرز ہوئی تھیں مگر میرے خیال میں بھارت کے پاس پہلے ہی کئی باصلاحیت فنکار موجود ہیں اس کے باوجود بھی وہ پاکستانی فنکار سے کام لینا چاہتے ہیں۔

ریما خان نے کہا کہ بھارت میں کام کا طریقہ جو میں نے دیکھا ہے اس سے مجھے یہی احساس ہوا کہ عقلمندی اسی میں ہے کہ وہاں نہ جایا جائے، ہماری انڈسٹری چھوٹی ہے لیکن باعث عزت ہے، ایسے محل کا کیا فائدہ جہاں جاکر شرمندگی کا احساس ہو۔

اداکارہ نے کہا کہ بھارت میں پاکستانی فنکاروں کو عزت دی جاتی ہے لیکن وہاں کئی ایسے گروپ بھی موجود ہیں جو پاکستانیوں کو بالی ووڈ میں کام کرتے دیکھنا نہیں چاہتے اور ان گروپ کی وجہ سے پاکستانی فنکار کی زندگی کو خطرہ بھی لاحق ہوجاتا ہے۔