پاکستانی طلبہ نے "شمسی توانائی" سے چلنے والی کشتی بنا کر سب کی توجہ حاصل کرلی

پاکستانی طلبہ نے “شمسی توانائی” سے چلنے والی کشتی بنا کر سب کی توجہ حاصل کرلی

ویب ڈیسک

17th Jan, 2024. 11:30 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستانی طلبہ نے “شمسی توانائی” سے چلنے والی کشتی بنا کر سب کی توجہ حاصل کرلی

نیشنل کالج آف آرٹس (این سی اے) لاہور کی طالبہ فاطمہ اقبال نے شمسی توانائی سے چلنے والی کشتی بنا کر سب کی توجہ حاصل کرلی۔

فاطمہ اقبال نے ایک نجی ٹی وی شو میں شرکت کی جہاں انہوں نے مذکورہ کشتی کے بارے میں تمام تفصیلات سے لوگوں کو آگاہ کیا۔

انہوں نے بتایا کہ جدید اور لگژری واٹر کرافٹ (کشتی) میں جدید قسم کی سہولیات موجود ہیں۔

ان کا کہنا تھا کہ یہ پروجیکٹ میں نے اپنے فائنل ایئر کیلئے منتخب کیا تھا تاکہ مستقبل میں پاکستان میں سیاحوں کو آمد و رفت کے جدید اور آسان سہولیات فراہم کی جاسکیں۔

طالبہ کے مطابق اس کشتی پر 70 لاکھ روپے لاگت آئی ہے اور اسے تیار کرنے میں 6 ماہ کا وقت لگا جبکہ اس میں 6 افراد کے بیٹھنے کی گنجائش ہے۔

فاطمہ نے کہا کہ اس میں گھومنے پھرنے کے علاوہ مچھلی کے شکار کیلئے بھی تمام سہولیات موجود ہیں۔

ان کا کہنا تھا کہ میں نے کشتی کا ایسا ماڈل تیار کیا ہے جو دنیا میں کسی بھی خوبصورت اور جدید واٹر کرافٹ کے مقابلہ میں کسی سے کم نہیں، اس میں لگژری کے علاوہ سولر پاور، جی پی ایس سسٹم، اے وی این سسٹم اور ضروری حفاظتی فیچرز جدید مہارت سے استعمال کیے گئے ہیں۔